Рөстәм Миңнеханов Россия Федерациясенең сәнәгать һәм сәүдә министры һәм Таиланд Корольлегенең сәүдә министры белән очрашуда катнашты

Бүген Татарстан Рспубликасы Президенты Рөстәм Миңнеханов Россия Федерациясенең сәнәгать һәм сәүдә министры Денис Мантуров һәм Таиланд Корольлеге сәүдә министры Боонсонг Терияпиром белән очрашуда катнашты. Очрашу Бангкокта Таиланд Корольлегенең сәүдә министрлыгында үтте. Җитәкчеләр Россия Федерациясе белән Таиланд Корольлеге арасында һәрьяклы хезмәтәшлек урнаштыру белән беррәттән Татарстан Республикасы һәм Таиланд арасында да хезмәтшлек итү турында ассызыклап үттеләр.

Очрашу барышында Россиянең сәнәгать һәм сәүдә министры Денис Мантуров һәм Татарстан Президенты Рөстәм Миңнеханов Таиланд Корольлегенә хезмәттәшлек итү максатыннан җитештергән продукциясен тәкъдим итә алуларын белдерделәр. Киләчәктә Татарстан нефтехимия, машина төзелеше (авыр-йөк транспортын җитештерүче “КАМАЗ” ААҖ) һәм суднолар төзү (Яшел Үзәннең Горький исемендәге заводында җитештерелгән тиз йөрешле А145 пассажир суднолары) тармагында хезмәттәшлек итәргә мөмкин.

Таиланд Корольлеге сәүдә министры Боонсонг Терияпиром 2012 елда Татарстан башкаласы Казанда узган АТЭС чарасында алган уңай тәэсирләре белән дә уртаклашты. Исегезгә төшерәбез, Рөстәм Миңнеханов Россия Федерациясенең рәсми делегациясе составында Таиланд Корольлегендә булды.

Россиянең рәсми делегациясе Россия-Таиланд катнаш комиссиясе рәистәшләре белән ике яклы хезмәттәшлек итү буенча сөйләшүләрдә катнашу өчен килделәр.