ТРга дуңгыз Африка чумасының керүенә юл куярга ярамый – ТР Президенты

Бүген ТР Премьер-министры урынбасары – авыл хуҗалыгы һәм азык-төлек министры Марат Әхмәтов республика киңәшмәсендә ТРга дуңгыз Африка чумасының керү мөмкинлегенә игътибар юнәлтте. “Татарстанда рөхсәтсез, тиеш булмаган урыннарда һәм тиешле кәгазьләрсез терлекчелек продукциясе, бигрәк тә, дуңгыз итен сату фактлары артты”, - дип аңлатты Марат Әхмәтов.

Рөстәм Миңнеханов ТР буенча Россельхознадзорга һәм ТР буенча Роспотребнадорга, ветеринария хезмәтләренә бу мәсьәләдә эшне көчәйтергә кушты.

Марат Әхмәтов шулай ук бүген республикада терлекчелек буенча стабиль күрсәткечләр билгеләнүен хәбәр итте. “Без ит җитештерү буенча 12 процент үсешкә ия, сөт җитештерү буенча 1 процентка кимү көтелә”, - дип билгеләде ул, республиканың инде 13 районында бу планда тискәре күрсәткечләр булуын ассызыклап.

“Бүген терлекчелек – авыл өчен нигез, кыш көне сөтсез булмый, ул төп табыш чыганагы. Моннан чыгып, җитештерү программаларын ясагыз, һәм үзегезнең эш графигын планлаштырыгыз”, - дип мөрәҗәгать итте ТР Президенты район башлыкларына.