Рөстәм Миңнеханов: Универсиада - ул кешеләрнең менталитетын үзгәртү өчен яхшы форсат

Универсиаданың һәр объекты контрольдә һәм эш төгәл график буенча бара. Бу хакта бүген ТР Президенты Рөстәм Миңнеханов ТР Хөкүмәт Йортында республиканың ММЧ җитәкчеләре белән очрашуда белдерде.

“Татар-информ” МА генераль директоры Леонид Толчинскийның төзүчеләр Универсиаданың барлык объектларын вакытында тапшырырга өлгерерләрме, дигән соравына җавап биргәндә, ТР Президенты: “Бүген барлык сораулар хәл ителгән, эш куелган. Һәрбер объект контрольдә. Атна саен без эшнең ничек баруын график буенча карыйбыз һәм график буенча безнең барысы да туры килә. Барысы да яхшы булыр, дип уйлыйм” .

Республика Президенты ассызыклавынча, Универсиада – зур халыкара вакыйга, аны уздырырга рөхсәт Россия җитәкчелегеннән алынган. Ул Универсиадага әзерлек федераль хөкүмәт ярдәмендә алып барылуын, спорт объектларына күп акчалар бүлеп бирелгәнлеген ассызыклады.

“Бу вакыйгага әзерлек зур инфраструктур үзгәрешләр белән бәйле иде, кызганычка каршы, федераль бюджетның мөмкинлекләре шулай ук чикле. Әйе, без субсидияләрнең бер өлешен алдык һәм моның өчен, илнең җитәкчелегенә зур рәхмәт, алар белән без һәрвакыт аңлаша идек, ләкин башка юллар булмаганга, без бюджеттан алып тордык. Бу мәҗбүри чара, без бит шәһәрне әзерләргә тиеш. Безнең барлык гамәлләр федераль хөкүмәт белән килешенгән. Универсиада – федераль, республика һәм муниципаль дәрәҗәдәге җитәкчелелекнең бербөтен булып эшләвенең үрнәге”, - диде Р.Миңнеханов.

Ул Универсиаданың “Казан” Халыкара аэропортын яңартуга этәргеч булуын, чишелешләр төзелеше баруын, аэропорттан вокзалга интермодаль юллар оештырылачагын, яңа кунакханәләр барлыкка килүен билгеләде.

“Мондый проектлар безнең шәһәрне үзгәртә. Һәм бу – федераль проект, бу – безнең җитәкчеләрнең хезмәте, әгәр дә федераль хөкүмәт ягыннан ярдәм һәм гарантияләр булмаса, Универсиада да булмас иде. Без Россияне тәкъдир итәбез. Һәм безнең соңгы нәтиҗәләребез Россиянеке була”, - дип ассызыклады ТР Президенты.

Универсиада, аның сүзләренчә, Универсиада өчен уздырылмый. “Бу -кешеләрнең менталитетын үзгәртергә бик яхшы сәбәп. Безнең волонтерлар бөтен дөнья буйлап йөриләр, һәм алар инде бөтенләй башка”, - диде Р.Миңнеханов. Ул Универсиадага 170 ил вәкиле киләчәген, нәтиҗәдә, аларның һәрберсе башкаларга Казан турында сөйләячәген искәртте.

“Казан магнит кебек булырга тиеш. Без шәһәребезгә карата мөнәсәбәтне үзгәртәбез, үзебез үзгәрәбез. Казан инвесторлар, туристлар, бөтен кешеләр өчен бик кызыклы була башлады”, - дип билгеләде ТР Президенты.

Универсиададан соң, берни дә үзгәрмәячәк, дип саный Р.Миңнеханов.

“Универсиада – 2 атна дәввамында авыр эш, кунаклар киләчәк, аларны барысын да ашатырга, урнаштырырга һәм башка мәсьәләләрне чишәргә кирәк. Барлык башкарылган эш – ул инде бүген я эшли, я безнең кызыксындыручанлыгыбызга эшләячәк, бу барлык инфраструктура кирәк. Безнең бер генә артык объект та юк”, - дип аасызыклады республика башлыгы.

Ул “Универсиада мирасы” программасы булуын, алда Казанны йөзү, футбол буенча дөнья чемпионатлары көтүен; аерым алганда, “Иннополис”, “СМАРТ Сити Казан” һ.б. кебек мондый проектлар ярдәмендә төзүчеләр эшсез калмаячагын искәртте.

“Универсиададан соң, Казанда тормыш һәм эш темпы шундый ук булачак, беркем дә ял итмәячәк, әгәр дә лаеклы ялга җыелмаса гына”, - диде ТР Президенты.