Рөстәм Миңнеханов фаҗигале рәвештә һәлак булган Василиса Галицина гаиләсенең тирән кайгысын уртаклашты

2013 елның 6 феврале, чәршәмбе
Татарстан Республикасы Президенты Рөстәм Миңнеханов Яр Чаллы шәһәрендә фаҗигале рәвештә һәлак булган 8-яшьлек Василиса Галицина гаиләсенең тирән кайгысын уртаклашты.
Исегезгә төшерик, Василиса Галицина шимбә, 2 февраль көнне юкка чыкты: кыз мәктәп дәресләреннән соң өйгә кайтмый. Бүген Россиянең тикшерү комитеты юкка чыккан 8- яшьлек Яр Чаллы кызының тәне табылу турындагы мәгълүматны рәсми рәвештә раслады.
Рөстәм Миңнеханов Василиса Галицинаны эзләүдә актив катнашкан хокук саклау органнары хезмәткәрләренә, күп санлы волонтерларга һәм барлык битараф булмаган татарстанлыларга рәхмәтләрен белдерде.
Татарстан Президенты Рөстәм Миңнеханов тиешле структураларга миграция сәясәте мәсьәләләрендә тәртип булдыру буенча катгый чаралар күрергә кушты.
Моннан тыш, Рөстәм Миңнеханов иҗтимагый тәртип тәэмин итү һәм гражданнарның шәхси иминлегенә караган законлы хокукларны үтәү эшләрен көчәйтергә кушты.
ТР Президентының матбугат хезмәте.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International