Татарстан РФ Дәүләт Думасына миграция сәясәтен катгыйлату мәсьәләсе буенча закон чыгару инициативасы белән чыгарга мөмкин

Бүген ТР Президенты Рөстәм Миңнеханов ТР хокук саклау органнары, прокуратура органнары һәм РФ Федераль миграция хезмәтенең ТР буенча идарәсе вәкилләре белән киңәшмә уздырды. Киңәшмәдә 8 яшьлек Василиса Галицинаны үтерү факты буенча ачылган җинаять эшен тикшерү барышы һәм шулай ук миграция сәясәтен камилләштерү мәсьәләләре каралды.
Киңәшмә ТР Хөкүмәт Йортында узды.

ТР буенча эчке эшләр министры урынбасары – полиция башлыгы Рафаиль Гыйльманов Чаллыдан 8 яшьлек Василиса Галицинаны үтерү факты буенча җинаятьне тикшерү барышы турында хәбәр итте.

Алга таба Рафаиль Гыйлманов, 2013 нче елның 1 нче гыйнварына ТРда даими һәм вакытлыча теркәлгән чит ил гражданнарының саны 19 мең тәшкил итүен хәбәр итте.
2012 нче елда чит ил гражданнары тарафыннан 395 җинаять эшләнгән.
Киңәшмә барышында 2006 нче елдан гамәлдә булган федераль законны либеральләштерү кайбер тискәре тенденцияләргә китергәнлекне әйтеп уздылар.
Миграция сәясәтен камилләштерү һәм хезмәт миграциясен җайга салу мәсьәләләре буенча ТР буенча Федераль миграция хезмәте идарәсе башлыгы Сергей Чепуштанов һәм ТР хезмәт, мәшгульлек һәм социаль яклау министры Айрат Шәфигуллин чыгыш ясады.

Киңәшмәгә нәтиҗәләр ясап, ТР Президенты Рөстәм Миңнеханов чит ил гражданнарын миграция исәбенә кую буенча күзәтүне катгыйлатырга кушты.


Моннан тыш, Рөстәм Миңнеханов хокук саклау органнары законсыз мигрантларны куып чыгару, шулай ук законсыз хезмәт мигрантларын ачыклау буенча эшне көчәйтергә тиеш,-дип саный.
ТР Министрлар Кабинетына миграция сәясәтен катгыйлату буенча- федерация субъекты кысаларында- чаралар комплексын эшләү йөкләнде.
ТР Президенты Рөстәм Миңнеханов киңәшмәдә яңгыраган, Россия Дәүләт Думасына миграция сәясәтен камилләштерү һәм миграция законын бозган чит ил гражданнарын кертмәү мәсьәләләре буенча закон чыгару инициативасы белән чыгу, тәкъдимен хуплады.