Рөстәм Миңнеханов:Журналистлар мәгълүматны нинди генә формада җиткерсәләр дә,ул кызыклы һәм профессиональ булырга тиеш

Татарстан Президенты Рөстәм Миңнеханов бүген ММЧ хезмәткәрләрен күбрәк республикадагы уңай вакыйгалар турында сөйләргә өндәде.”Тормышта уңай мизгелләр булырга тиеш,әгәр син һәрвакыт тискәре якларны гына күрәсең икән,яшәү күңелсезләнә”,-диде ул,Республика матбугат һәм массакүләм коммуникацияләр агентлыгының йомгаклау коллегиясендә чыгыш ясаганда.
Аның әйтүенчә,узган ел күп вакыйгалар булган,гомумән Татарстан өчен ул яхшы ел була.”Сезнең эшкә килгәндә, Һәрбер кеше яхшырак һәм яхшырак эшләргә тиеш,һәм без дә тырышачакбыз”,-дип мөрәҗәгать итте Р.Миңнеханов ММЧ хезмәткәрләренә.Журналистлар мәгълүматны нинди генә формада җиткерсәләр дә ,ул кызыклы һәм профессиональ булырга тиеш,-дип ассызыклады ул.”Профессиональлек булмаса,әгәр сезнең тапшыру һәм мәкаләгез кызык түгел икән,аны беркем дә укымаячак,-дип белдерде республика башлыгы.
Республика матбугат һәм массакүләм коммуникацияләр агентлыгы эше турында сөйләгәндә, ,”Татмедиа”- ул җаваплылык үзәге : “Без системаны оптимальләштерә алдык,”Татмедиа” булдырдык, эшне структуралаштырдык.Төп бина тәртипкә китерелә.Әлбәттә,эшлисе эшләр күп әле”,-диде Р. Миңнеханов.
Рөстәм Миңнеханов фикеренчә,милләтара мөнәсәбәтләр һәм дини мәсьәләләргә килгәндә,традицион исламның нәрсә булуын , нәкъ менә ММЧ хезмәткәрләре хакимият белән бергә, кешеләргә җиткерергә тиеш.”Явызлыкның теләсә нинди формасына катгый рәвештә чик куелырга тиеш”,-дип басым ясады ул.
Республика Президенты соңгы вакытта Чаллы шәһәрендә булган кайгылы вакыйганы искә алды,һәм югалган 8 яшьлек кызны эзләүдә ярдәм иткән волонтерларга рәхмәтен җиткерде.
“Безгә миграция сәясәтенә игътибарлырак булырга ,экстремизм һәм терроризм күренешләрен катгый рәвештә тыярга кирәк”-дип белдерде Р.Миңнеханов.
Киңәшмә ахырында дәүләт бүләкләре тапшырылды.