Федераль юл агентлыгы җитәкчесе Роман Старовойт:Мамадыш тракты автоюлы – федераль хакимиятләр һәм регионнардагы хакимиятләрнең бергә эшләвенең яхшы үрнәге

Бүген рәсми рәвештә Мамадыш трактының реконструкцияләнгән участогын ачу тантанасы узды.
Тантанада Татарстан Президенты Рөстәм Миңнеханов ,Федераль юл агентлыгы җитәкчесе Роман Старовойт,ТР траспорт һәм юл хуҗалыгы министры Ленар Сафин ,Казан мэры Илсур Метшин һ.б. катнашты.
Искәртеп үтәбез,автоюл участогында “Каздорстрой”ААҖ эшләгән.
Бу юлдан Казаннан “Волга”М-7 федераль автоюлына,шулай ук Чаллы һәм Уфа шәһәрләренә чыгып кителә.Автоюлның озынлыгы-7,1км,киңлеге - 6 полоса ,тротуарлар киңлеге-2,25м.Юл озынлыгы буенча ике җир асты һәм ике җир өсте юллары төзелгән,3 светофор куелган.Бу юлдан тәүлегенә 30меңгә кадәр автомобиль узып йөри ала.
Федераль юл агентлыгы җитәкчесе Роман Старовойт,юл хезмәткәрләре һәм тантанада катнашучылар алдында чыгыш ясап,бу автоюл –федераль хакимиятләр һәм регионнардагы хакимиятләрнең бергә эшләү үрнәге,-дип белдерде.Без мондый бергәләп эшләү үрнәкләрен бөтен Россия буенча таратырга тиешбез,-диде ул.
Татарстан Республикасы Президенты Рөстәм Миңнеханов,Мамадыш тракты автоюлы иң кирәклеләрдән санала,чөнки ул Казанны Чаллы,Түбән Кама шәһәрләре,гомумән алганда республиканың төньяк өлеше белән тоташтыра,-диде.Бу автоюл Казанны 2013елгы җәйге Универсиадага әзерләү кысаларында реконструкцияләнде.-дип хәбәр итте.Мамадыш тракты автоюлы эшләрендә катнашучыларның барысына да рәхмәтен белдерде.
ТР Президенты Указы белән “Каздорстрой”ААҖ белгечләренә Татарстан Республикасының атказанган төзүчесе дигән мактаулы исемнәр бирелде.Моннан тыш,Россия Траспорт министрлыгы бүләкләре дә тапшырылды.
“Каздорстрой”ААҖ генераль директоры урынбасары Галина Тания –юл хезмәткәрләре киләчәктә дә үз эшләрен сыйфатлы башкару өчен барлык көчләрен куячаклар,дип белдерде.
Тантана тәмамланганда автоюл буйлап йөк төягән “КАМАЗ”лар узды