Рөстәм Миңнеханов: “Универсиадага кадәр Татарстанның траспорт хезмәткәрләре алдында күп эшләр тора әле”

2013 елда беренчел бурыч булып ,Татарстан транспорт тармагы алдында Казанда Бөтендөнья җәйге Универсиадага әзерлекне тәмамлау һәм аны уздыру тора.Бу хакта бүген ТР Президенты Рөстәм Миңнеханов ТР транспорт һәм юл хуҗалыгы министрлыгы коллегиясенең киңәйтелгән киңәшмәсендә чыгыш ясаганда хәбәр итте.Коллегиядә шулай ук “Росавтодор”Федераль юл агентлыгы җитәкчесе Роман Старовойт катнашты.
2012елда ТРда юл-транспорт комплексы үсеше нәтиҗәләре турында ТР транспорт һәм юл хуҗалыгы министры Ленар Сафин доклад ясады.Аның әйтүенчә,2012елда юл-траспорт комплексын финанслау (Универсиада объектларын исәпләмичә)36,6млрд.сум,шул исәптән республика бюджетыннан-22,4млрд. Һәм федераль бюджеттан-14,2млрд.тәшкил иткән .
Казан мэры Илсур Метшин Татарстан башкаласының транспорт инфраструктурасын киләчәктә яңарту 2018елда футбол буенча дөнья чемпионатына әзерлек кысаларында узачагын сөйләде.Универсиада Дирекциясе директор урынбасары Азат Галиәхмәтов студентлар Уеннарының транспорт концепциясе хакында хәбәр итте.
Федераль юл агентлыгы җитәкчесе Роман Старовойт,үзенең чыгышында, Татарстанның транспорт өлкәсендәге уңышларын әйтеп узды.
ТР Президенты Р.Миңнеханов беренче чиратта Универсиаданы искә төшереп,-“Аңа әзерлек масштабы бик зур, безгә июнь аена кадәр тырышып эшләргә һәм барлык эшләрне тәмамларга кирәк”,-дип белдерде.
ТР Президенты юллар төзелешендә алдынгы технологияләрне гамәлгә кертүне тәкъдим итте.”Чынлыкта без Татарстанда,юл төзелеше өчен чын битум материалларын җитештерү программасын булдыра алабыз.Әйе, алар кыйммәтрәк ,әмма сыйфатлы булачак”,-диде ул.
Республика Президенты траспорт хезмәткәрләренә кадрлар әзерләү белән шөгыльләнергә кирәклекне белдерде.”Бүген траспорт-югары технологияле тармак ул,анда әзерлекле кешеләр эшләргә тиеш”,-дип ассызыклады Р.Миңнеханов.
Үзенең чыгышын тәмамлап,траспорт һәм юл тармагы хезмәткәрләренә, Татарстанның үсешенә өлеш кертүләре өчен рәхмәтен белдерде.”Гомумән, нәтиҗәләр начар түгел,бик зур эшләр эшләнгән.Әмма, Универсиаданы лаеклы итеп уздыру өчен тагын да күп эшләр эшлисе бар әле”,-дип йомгаклады Рөстәм Миңнеханов.