Татарстан Республикасында язгы кыр эшләрен уздыруга якынча 11млрд.сум акча кирәк булачак

Татарстан Республикасында язгы кыр эшләрен башкаруга якынча 11млрд.сум акча кирәк булачак.Бу хакта ТР Премьер-министры урынбасары – ТР авыл хуҗалыгы һәм азык-төлек министры Марат Әхмәтов хәбәр итте.
ТР Хөкүмәт Йортында узган киңәшмәне Татарстан Республикасы Президенты Рөстәм Миңнеханов алып барды.
Язгы эшләргә әзерлек турында чыгыш ясаганда,Марат Әхмәтов,чәчү кампаниясе башланырга ике ай калган,алда җитди эшләр тора,шуңа карамастан,финанслау чыганаклары билгеләнеп бетмәгән әле,-дип искәртте.Барлыгы банклар белән 1,1млрд.сумлык 50 кредит килешүе төзелгән,бу 2012елдагыга караганда 2,5 тапкыр кимрәк.Хәзергә кадәр әле 17 муниципаль район кредитларга гариза бирмәгән .Бүгенге көндә банклар авыл хуҗалыгы җитештерүчеләренә кредитлар бирү буенча катгый шартлар куялар,- дип белдерде ул.
Бу хәлне шәрехләп Р.Миңнеханов,бүген заемщикларның кредит алу тарихы яхшы булырга тиеш,кредитларны вакытында кайтарырга кирәк,-дип басым ясады.
Федераль бюджеттан ярдәмгә килгәндә,2013елда Татарстан шактый оттыра,бу Россиянең Бөтендөнья сәүдә оешмасына керүенә бәйле,-диде Марат Әхмәтов.2013елда федераль бюджеттан 700млн.сум күләмендә субсидия көтелә,дип ачыклады ул.
“Бу соңгы 10 елда иң катлаулы чәчү кампаниясе булачак”,-дип хәбәр итте ТР авыл хуҗалыгы һәм азык-төлек министры Марат Әхмәтов.