Илдар Халиков: “Масса-күләм чаралар уздыруда иң мөһиме – кешеләрнең иминлеге”

Татарстан Республикасы – Идел буеның бөтен территориясендә динамик үсеш кичерә торган субъект һәм биредә куркынычсызлык мәсьәләләренә шактый зур игътибар бирелә. Моның турында бүген Россия Федерациясе Гадәттән тыш хәлләр министрлыгының Татарстан Республикасы буенча баш идарәсенең йомгаклау коллегиясендә Россиянең Гадәттән тыш хәлләр министрлыгы Идел буе региональ үзәге башлыгы генерал-лейтенант Игорь Паньшин белдерде.
Аның сүзләренә караганда, Татарстан күп еллар дәвамында колакка кереп кала һәм алдынгы позицияләрне яулый. “Алда безнең 2013 елгы Универсиада, һәм без бөтен дөньяга Казанның спорт үзәге генә түгел, ә имин шәһәр булуын да исбатларга тиеш. Без халыкның һәм Казан кунакларының тулы иминлеген тәэмин итәргә тиеш”, - дип ассызыклап үтте Игорь Паньшин.
Киңәшмәдә Татарстан Республикасы Премьер-министры Илдар Халиков, Премьер-министр урынбасары Әсгать Сәфәров, ТР Куркынычсызлык советы рәисе Валерий Власов, Россия Гадәттән тыш хәлләр министрлыгының Татарстан Республикасы буенча идарәсе башлыгы Рафис Хәбибуллин һәм башкалар катнаштылар.
Рафис Хәбибуллин белдерүе буенча, 2012 елда Татарстанда Гадәттән тыш хәлләр министрлыгы хезмәткәрләре 10 меңнән артык кеше гомерен саклап калганнар. Узган ел эчендә янгыннар санын 2 процентка, ә әлеге янгын чыгулар нәтиҗәсендә үлгән кешеләр санын 7, 5 процентка киметтеп булды. Янгын сүндерү-коткару бүлекләренең янгын, юл-транспорты кебек халәкәтләрдә оператив ярдәм күрсәтү күрсәткечләре яхшыруы билгеләнә. Моннан тыш су объектларындагы хәл дә стабильләште. – суда үлүчеләрнең саны берникадәр кимүе күзәтелә. Шулай ук ул 2012 елда 5 гадәттән тыш хәл төркәлгәнен, шулар нәтиҗәсендә11 кеше хәлак булуын һәм 3 гадәттән тыш хәлнең техноген характерында булуын билгеләп үтте. Күпчелек муниципаль районнарда, шул исәптән, Әлмәт, Апас, Буа, Яшел Үзән, Кумара, Мамадыш, Питрәч, Сарман һәм Чирмешән районнарында янгыннарга бәйле ситуацияне яхшырту буенча актив эшләр алып барыла. Ләкин бу районнар белән чагыштырганда, кайбер районнарда ситуация начарланды. Шулай итеп, Азнакай, Аксубай, Актаныш, Кайбыч, Лаеш, Минзәлә муниципаль районнарының күрсәткечләре узган елдагылары белән чагыштырганда арткан. Аерым районнарда, мәсәлән, Югары Ослан районында, янгыннарның гомуми саны кимү белән, янгын эчендә үлүчеләр саны өч тапкырга арткан һәм 10 кеше тәшкил итә.
Рафис Хәбибуллин сүзләренә караганда, республика территорияләренең һәм халыкның сакланганлыгын раслап торучы төп күрсәткеч булып, аларның янгын сакчылары бүлекләре белән ни дәрәҗәдә якланган булулары белән бәйле. Әлеге төркем составына федераль янгынга каршы хезмәте бүлекләре, республика янгынга каршы хезмәте бүлекләре керә.
2013 елның 1 гыйнвар көненә республиканың 96 янгыннан саклау бүлеге булдырылды. Алардагы гомуми кеше саны 1мең 150 кеше. Ел дәвамында хезмәт бүлекләре 1 мең 825 тапкыр янгыннарга, юл – транспорт хәләкәтләренә һәм су өстендә булган хәлләргә чыктылар. 700 янгын сүндерелгән, 22 кеше коткарылган.
Шулай ук узган елны ирекле янгын сакчылары актив үсеш алдылар – хәзер ТР 1 мең 496 бүлек төркәлгән. Алардагы гомуми кеше саны 17,5 меңнән артык кеше. Узган елны ирекле янгын сакчылары бүлекләре үзләре163 янгынны сүндерделәр, 898 янгынны сүндерүдә өстәмә көчләр буларак катнаштылар, 15 кешене коткардылар.
Министр фикеренчә, торак пункларны һәм анда яшәүче халыкны тулысынча саклар өчен ТР янгын сүндерү хезмәтенең 7 аерым бүлеген ачу белән бер рәттән ирекле янгын сакчыларының 21 бүлеген булдырырга кирәк. Үз чиратында Россия Федерациясе Гадәттән тыш хәлләр министрлыгының Татарстан Республикасы буенча баш идарәсе һәм Татарстан Республикасы Гадәттән тыш хәлләр министрлыгы һәрьяклап ярдәм итәргә әзер, шул исәптән техника белән дә.
Узган елны федераль һәм республика янгынга каршы хезмәтеннән ирекле янгын сакчылары бүлекләренә 49 янгын техникасы берәмлеге җибәрелгән иде. Агымдагы елда шундый ук күләмдәге техника җибәрелер дип планлаштырыла.
Илдар Халиков билгеләп үткәнчә, үткән ел бай эчтәлекле булды, ә яңа эш методлары һәм юллары яхшы һәм уңай нәтиҗә бирделәр. “Башланып киткән ел безнең өчен үзенчәлекле. Хәзер барлык көчләрне 2013 елгы Универсиаданы уздыруга юнәлдерергә кирәк. Мин тагын бер кат әйтәм, масса-күләм чаралар уздыруда иң мөһиме – кешеләр иминлеге, һәм бу бик мөһим”, - дип ассызыклады ул.
Илдар Халиков сүзләренә караганда, узган елны республикада үлән янгынын җиңеп чыга алдык. Хәзер исә, бер елга яңа максат- янгын вакытында һәм суда үлүчеләрнең санын киметү. “Бу эшне үз вакытында башлап җибәрергә кирәк” – дип ассызыклап үтте ул. Бу очракта су коену тыелган урыннарны ябу гына түгел, әгәр дә кирәк булса, административ йогынты ясау - административ җаваплылыкны арттыру мөһим.
ТР Премьер-министры, Татарстан беренчеләрдән булып гадәттән тыш хәлләрне искәртеп кую һәм ликвидацияләү эшендә “112” системасын тулаем кабул итте. Хәзер Татарстанда халыкка гадәттән тыш хәл турында ашыгыч рәвештә хәбәр итү системасы проекты эшләнә, ул Республика хөкүмәте тарафыннан хупланды һәм якын арада ТР Президенты Рөстәм Миңнехановка тәкъдим ителәчәк. ТР Премьер-министры Крымск шәһәрендәге фаҗигане искә төшерде һәм гадәттән тыш хәл турында хәбәр итү системасы гадәттән тыш хәлләрне кисәтүдә зур роль уйнарга тиешлеген ассызыклап үтте.
“2012 елда ведомство алдына куелган максатлар, үтәлде. Әйтергә кирәк, үткән ел төп бурычларны чынга ашыруга тәҗрибә бирде, әлеге эшне киләсе елда да актив рәвештә дәвам итәргә кирәк”, - дип йомгаклап куйды ул.