Рөстәм Миңнеханов:Почтага авылларда аеруча игътибар кирәк,әгәр почта белән кибет булмаса – авыл да булмый

Татарстан Республикасы Президенты Рөстәм Миңнеханов ТР Мәгълүматлаштыру һәм элемтә министрлыгы коллегиясе утырышында булды.Коллегия Казанда (Петербург ур.) IТ-парк мәйданында узды,аның эшендә шулай ук Россия элемтә һәм массакүләм коммуникацияләр министры Николай Никифоров, ТР мәгълүматлаштыру һәм элемтә министры Роман Шәйхетдинов катнашты.
2012 елда бу тармакта эшләнгән эшләргә йомгак ясап,Р.Миңнеханов,республикада «Халык контроле”системасы җибәрелүен,һәм цифрлы телевидение, 4Gчелтәре эшли башлавын хәбәр итте.
РМиңнеханов сүзләренчә,”Иннополис проекты”республикада җитди белем бирүче һәм интеллектуаль база булдыруга ярдәм итәчәк.
Универсаль электрон карталар(УЭК) проектын гамәлгә кертүгә килгәндә ,Р Миңнеханов фикеренчә,бу проект банк эше генә булырга тиеш түгел,монда дәүләт баш булырга тиеш.
“Россия почтасы”проектын яңарту хакында сөйләгәндә,Р.Миңнеханов белдерүенчә,торак пунктларда почта бүлекчәләрен саклау проблемасы – Россия элемтә һәм массакүләм коммуникацияләр министрлыгы бурычы гына түгел,ә бәлки Россия Хөкүмәтенең гомуми бурычы да.Дәүләт программасы булырга тиеш,-диде Р.Миңнеханов,мин бу мәсьәлә буенча Россия Хөкүмәтенә мөрәҗәгать итәргә әзер,авылларда почтага аерым игътибар кирәк,әгәр почта һәм кибет булмаса- авыл да булмый.
Гомумән,мәгълүмат технологияләре үсешендә безнең киләчәктә дә уңышларыбыз булыр дип ышанам,-диде Р.Миңнеханов.