Рөстәм Миңнеханов “Синергия” индустриаль паркы нигезенә таш салуда катнашты
2013 елның 14 феврале, пәнҗешәмбе
Бу тантанада Татарстан Президенты Рөстәм Миңнеханов, Алабуга районы башлыгы Геннадий Емельянов, РФ икътисади үсеш министры урынбасары Олег Савельев,”МИЗ” ААҖ генераль директоры Олег Костин, “Алабуга МИЗ” ААҖ генераль директоры Тимур Шаһивәлиев катнашты.
“Синергия”- модуль типтагы әзер биналар комплексы булачак,аларның гомуми мәйданы 24,5мең кв.метр тәшкил итәчәк. Индустриаль паркның яңа модуль типтагы корпуслары чималны беренчел эшкәртү, полимер материаллар җитештерү,компьютер чиплары һәм фармацевтика линияләре җыю өчен иң яхшы урын булачак.
“Синергия” автокомпонентлар җитештерүчеләрдә аеруча кызыксыну тудырачак,-дип басым ясады Рөстәм Миңнеханов.
РФ икътисади үсеш министры урынбасары Олег Савельев – мондый паркны ачу республика җитәкчелеге булышлыгыннан башка мөмкин булмас иде, дип белдерде.”Дәүләт акчасын мондый проектка кертү-тәвәкәллек сорый торган эш, ләкин без бу тәвәкәлләк үзен аклар дип ышанабыз”,-диде ул.
“Синергия”нең беренче чиратын 2014 елның I кварталында файдалануга тапшыру планлаштырыла. Барлыгы 500дән артык эш урыны булдырылачак.
“Татар-информ” МА
Бүлешү:
СОҢГЫ ЯҢАЛЫКЛАР
10
май, 2026 ел
Бүген Казанда Пушкин исемендәге концерт залында МХО буенча Татарстан Республикасы Премьер-министры ярдәмчесе, Татарстан Республикасы буенча элеккеге федераль инспектор, легендар генерал Ренат Тимерҗанов белән хушлашу тантанасы узды.
Гражданнар панихидасында Татарстан Рәисе Рөстәм Миңнеханов, Россия Эчке эшләр министрлыгының РФ субъектлары башкарма хакимияте органнары белән үзара хезмәттәшлекне җайга салуны җәмәгать тәртибен саклауны тәэмин итү буенча Баш идарәсе башлыгы Ленар Габдерахманов, Татарстан Республикасы буенча Баш федераль инспектор Виктор Демидов, Татарстан Республикасы Рәисе Администрациясе Җитәкчесе Әсгать Сәфәров, Татарстан Республикасы буенча эчке эшләр министры урынбасары Алексей Соколов, Федераль иминлек хезмәтенең Татарстан Республикасы буенча идарәсенең элеккеге башлыгы (1998-2004 елларда) Александр Гусев, Ренат Тимерҗановның туганнары һәм якыннары, хезмәттәшләре катнашты.
9
май, 2026 ел
Бүген Татарстан Премьер-министры Алексей Песошин Казанның Арча зиратындагы «Җиңүче Солдат» монументына чәчәкләр салды
Ул 9 май – 1941-1945 еллардагы Бөек Ватан сугышында Җиңү көнен бәйрәм итүгә багышланган.
8
май, 2026 ел
Мәскәүдә Россия Федерациясе Президенты ярдәмчесе Юрий Ушаков җитәкчелегендә Россия – АСЕАН саммитын әзерләү һәм уздыру буенча оештыру комитеты утырышы узды.
Саммит Казанда Россия Федерациясе Президентының 2026 елның 21 апрелендәге 268 номерлы Указы нигезендә узачак.
Татарстанда социаль өлкә объектларына капиталь ремонт актив бара. Ремонтлана торган объектлар буенча мәгариф өлкәсе алда: республика һәм федераль программаларга тармакның 170 объекты кертелгән. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде.
Киңәшмәне Татарстан Рәисе Рөстәм Миңнеханов үткәрде. Киңәшмәдә шулай ук ТР Дәүләт Советы Рәисе вазыйфаларын башкаручы Марат Әхмәтов, ТР Премьер-министры Алексей Песошин катнашты.
ЯҢАЛЫКЛАРГА ЯЗЫЛУ
Адрес: 420060, Казан шәһәре, Ирек мәйданы, 1
Телефон:
+7 (843) 264-77-74
E-Mail: prav@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз