Рөстәм Миңнеханов Красноярск краеның төбәк татар милли- мәдәни автономиясе белән очрашты

Очрашу Себер федераль университеты (Красноярск) китапханәсенең конференц-залында узды. Бу чарада Красноярск крае губернаторы Лев Кузнецов,Красноярск шәһәре башлыгы Эдхам Акбулатов, Красноярск краеның төбәк татар милли- мәдәни автономиясе рәисе Вәгыйз Фәйзуллин,Себер федераль университеты Евгений Ваганов һ.б. катнашты.

Татар җәмәгате вәкилләре каршында чыгыш ясаганда Рөстәм Миңнеханов Татарстан белән Красноярск крае арасында дусларча җылы мөнәсәбәтләр урнашуын әйтеп узды. Монда яшәүче татарлар үзләренең телләрен,гореф-гадәтләрен,мәдәниятләрен саклау белән актив шөгыльләнәләр,-диде ул.

Красноярск краеның “Яр” төбәк татар милли-мәдәни автономиясе рәисе Вәгыйз Фәйзуллин хәбәр иткәнчә, бүгенге көндә Красноярск краенда 36мең татар яши, 29 авыл исәпләнә, андагы халыкның 70% ын татарлар тәшкил итә. 8 мәчет эшли. Сабантуйга килгәндә, бу бәйрәм инде 17 ел уздырыла. 1996 елдан Сабантуйда Татарстаннан делегация катнаша.

Татарстан Президенты Казан (Идел буе) федераль университеты белән Себер федераль университеты арасында сдудентлар алмашуны җайга салуны тәкъдим итте.

Очрашу барышында шулай ук Казан белән Красноярск арасында авиаэлемтә ачу кирәклеге турында тәкъдимнәр яңгырады.

Очрашуда катнашучылар алдында “Йолдыз” сәнгать коллективы татарча чыгыш ясады.