Рөстәм Миңнеханов Татарстан Республикасы Дәүләт гимнының соңгы әзер вариантын тыңлауда катнашты

Татарстан Республикасы Дәүләт гимнының соңгы әзер вариантын тыңлау С.Сәйдәшев исемендәге Дәүләт Зур концертлар залында (Казан) узды.


Бу чарада Татарстан Республикасы Дәүләт Советы депутатлары ,мәдәният һәм сәнгать эшлеклеләре,Татарстан Президенты Рөстәм Миңнеханов, ТР Дәүләт Киңәшчесе Минтимер Шәймиев,ТР Дәүләт Советы рәисе Фәрид Мөхәммәтшин ,ТР Премьер-министры Илдар Халиков һ.б. катнашты.

Гимнның тексты – Рамазан Байтимеровның эшкәртелгән шигыре,ул Татарстан Республикасының ике дәүләт телендәге бербөтен шигъри әсәре булып тора. Рус теленә тәрҗемә авторы – шагыйрь Филипп Пираев.

ТР Дәүләт гимнының музыкасын ТР Дәүләт симфоник оркестры ,сүзләрен Муса Җәлил исемендәге Татар Дәүләт опера һәм балет академия театры хоры башкарды.

Аннан соң гимн солистлар – Бөтенроссия һәм халыкара конкурслар лауреатлары Регина Вәлиева һәм Гөлнара Рәхимова ,ТРның атказанган артистлары Владимир Васильев һәм Рөстәм Асаев башкаруында яңгырады.

Өченче башкару- оркестр версиясе.Аны ТР Дәүләт симфоник оркестры башкарды.