Татарстан Премьер-министры ТР Саба районында булып кайтты.

Бүген Татарстан Премьер-министры Илдар Халиков 2012 елгы эшчәнлеге нәтиҗәләре буенча Саба муниципаль районы Советы сессиясендә катнашты. ТР Хөкүмәте башлыгын эш сәфәрендә республиканың авыл хуҗалыгы һәм азык-төлек вице- премьер-министры Марат Әхмәтов озата барды.
Эш сәфәре барышында Илдар Халиков Саба районының берничә объектына барып кайтты. Шулай итеп, Иске Икшермә авылында республика Хөкүмәте башлыгы Икшермә урта мәктәбен реконструкцияләү барышы белән танышты. Аның җирлегендә кадет интернаты булдырылачак. Бер үк вакытта мәктәп бинасында балалар бакчасы да сакланып калачак.
Татар Икшермәсе авылында Илдар Халиков югары технологияле роботлаштырылган 310 баш мөгезле эре терлеккә исәпләнгән сөт комплексында булып кайтты. Ферманың җитәкчеләре сүзләренә караганда, сыерларны яңа шартларга күчерү, савымнарны сизелерлек дәрәҗәдә арттырырга мөмкинлек бирде. ТР Премьер- министры проектның хакы чыгарылу вакыты белән кызыксынды.
Шулай ук татар Икшермәсе авылында республика Хөкүмәте башлыгына фельдшерлык- акушерлык пункты белән бер бинада урнашкан яңа балалар бакчасы күрсәтелде. Язлы Арташ авылында Илдар Халиков яңа авыл клубына барып кайтты.
Кильдяково авылында Татарстан Премьер-министры төзелүче 2600 башка исәпләнгән кәҗә фермасын карап чыкты.
Байлар Сабасында Илдар Халиков район предприятияләре продукциясе күргәзмәсендә булып кайтты, аннан соң Саба муниципаль районы советы сессиясенең йомгаклау утырышында катнашты.
Саба районы башлыгы Рәис Миңниханов үз докладында 2013 елга булган планнар турында сөйләде. Ул вак эшкуарлыкны үстерергә кирәк булуга игътибар итте.
Татарстан Премьер-министры Илдар Халиков Саба районы халкын күп еллар эчендә беренче тапкыр халык үсеше мәсьәләсендә уңай нәтиҗәләргә ирешү белән котлады. “Бу бик авыр ирешелә торган, ләкин бик мөһим күрсәткеч. Бу кешеләрдә хәзерге тормышка һәм балаларының киләчәгенә карата ышанычлары арта дигән сүз”, - дип белдерде ТР Премьер-министры.
Белем бирү өлкәсендә информацион технологияләр кулану буенча Саба районы Татарстанда беренче урында тора. “Димәк, моңа район җитәкчеләре тарафыннан игътибар бирелә, - диде И. Халиков.
Шулай ук ул район җитәкчеләренең мәктәпләрнең капиталь ремонтына зур игътибар бирүләрен билгеләп үтте.
Мөһим бурыч итеп ул, Саба районында йөрәк-кан тамырларын дәвалау үзәген булдыруны атады. Шул ук вакытта Илдар Халиков халыкка үзәкнең мөмкинлекләре турында хәбәр бирергә кирәк булуына игътибар итте. “Яхшы тупланган хезмәтсез безнең салынган чаралар кирәкле эффект бирмәячәк”,- дип уйлый республика Хөкүмәте башлыгы.
Үзенең чыгышы ахырында Илдар Халиков Саба районы халкына хезмәтләре өчен рәхмәтләрен белдерде. “Югары күрсәткечләргә җиңел генә ирешеп булмый. Һәм мин бер елдан соң, 2013 елның күрсәткечләре дә югары булсын дип телим”- диде Татарстан Премьер-министры.
Ул шулай ук Саба районы халкына бер төркем бүләкләр тапшырды.