Илдар Халиков ТР Инвестицияләр советы утырышын уздырды

Бүген Чаллы ИТ-паркы мәйданында “Кама инвестицион форумы – 2013” үтә. Форум кысаларында көннең икенче яртысында Татарстан Республикасы инвестицион советының икенче утырышы үтте. Анда ТР Премьер-министры Илдар Халиков, ТР Сәнәгать һәм сәүдә министры Равил Зарипов , ТР Инвестицион үсеш агентлыгы җитәкчесе Линар Якупов, ТР Муниципаль берәмлекләр советы рәисе Минсәгыйть Шакиров, Яр Чаллы шәһәре мэры Вәсил Шәйхразиев, шулай ук республиканың муниципаль берәмлекләре башлыклары катнашты.
ТР Президенты Рөстәм Миңнеханов җитәкчелегендәге ТР инвестицияләр советының беренче утырышы 2012 елның 16 декабрендә ТР Хөкүмәт Йортында узды.
Татарстан Республикасы Инвестицион советы ТР Президенты Указы белән республиканың инвестицион климатын яхшырту максатыннан оешты.
Утырыш башланыр алдыннан Татарстан Республикасы Премьер-министры Илдар Халиков Кама инновацион территориаль- җитештерү кластеры составына керә торган, муниципаль районнарның инвестицион мөмкинлекләре күргәзмәсен карап чыкты. Беренче чиратта, Кама индустриаль кластерының 3D моделе тәкъдим ителде. Моннан тыш, Яр Чаллы һәм Кама кластеры муниципаль районнары вәкилләре- Алабуга, Зәй, Минзәлә, Түбән Кама, Тукай- шулай ук үз экспонентларын тәкъдим иттеләр. Иң масштаблысы Автоград күргәзмәсе булып чыкты, шул исәптән ТР Премьер-министрына эшмәкәрлеккә ярдәм күрсәтүче инфраструктураны күрсәттеләр.
ТР Инвестицияләр советының икенче утырышын ачып җибәргәндә, Илдар Халиков аның мөһим булуын билгеләп үтте. Шулай итеп, аның сүзләренә караганда, дәүләт инвесторларга йөзе белән борылды, “Бу, проблемалар хәл ителде дигән сүз түгел, ләкин алар хәл ителә. 2013 елда Татарстанда 500 млн. доллардан артык капиталы булган предприятияләр ачылачак”, - диде ул. Моннан тыш, Илдар Халиков муниципаль берәмлекләрнең Россиянең стратегик инициативалары агентлыгы белән хезмәттәшлеге мөһим булуын билгеләп үтте.
Беренче булып, ТР Инвестицияләр үсеше агентлыгы җитәкчесе Линар Якупов чыгыш ясады, ул Татарстан Республикасы Ивестицияләр советының беренче утырышы нәтиҗәләре буенча ясалган протоколның үтәлеше турында сөйләде. Үз чыгышында ул 17 пункттан торган әлеге протоколның үтәлү нәтиҗәләрен яңгыратып үтте.
“Муниципаль инвестицион инфраструктураның үсеше” темасына доклад белән Яр Чаллы шәһәре мэры Вәсил Шәйхразиев чыгыш ясады. Ул шәһәрдә эшмәкәрлеккә ярдәм итү һәм үстерү буенча нинди эш алып барылуы турында сөйләде.
“Инвестор” сәнәгать паркын урнаштыруга 12 га җир бүлеп бирелер дип планлаштырыла. Паркның максаты: уңай инвестицион климат тудыру, чит ил партнерларын һәм башка инвесторларны җәлеп итү. Чамаланган резидентлар саны 10-15, булдырыла торган эш урыннарының саны- 600 артык. Чамаланган инвестицияләр күләме – 800 млн. сумнан артык. Шулай ук Вәсил Шәйхразиев шәһәрдә булган “Южный” һәм “Заритал” агросәнәгать парклары турында, Казан IT- паркының икенче мәйданы турында сөйләде.
Инвестицион совет утырышын тәмамлап, Илдар Халиков тагын бер кат Татарстан Республикасы муниципаль берәмлек башлыклары игътибарын Инвестицияләр – Татарстанның киләчәге булуына юнәлтте. “Моңа аерым игътибар бирергә кирәк”, - дип ассызыклады ТР Премьер-министры.