Илдар Халиков: “Инвестицияләр – Татарстанның киләчәге”

Бүген Яр Чаллы ИТ-паркында Кама инвестицон форумы кысаларында ТР Инвестицион үсеш агентлыгының йомгаклау коллегиясе узды. Анда ТР Премьер-министры Илдар Халиков катнашты.
ТР Инвестицион үсеш агентлыгы җитәкчесе Линар Якупов агентлыкның 2012 елгы эшчәнлеге һәм 2013 елга бурычлар хакындагы доклад белән чыгыш ясады. Шулай итеп, 2012 елда Инвестицион совет оештырылган, ул республика икътисадына инвестицияләр җәлеп итү мәсьәләләре буенча фикер алышу органы булып тора.
Линар Якупов билгеләп үткәнчә, 2012 елның төп бурычы бер тәрәзә принцибы буенча инвестицион проектларны гамәлгә кую регламенты эшләү иде.
2013 ел башына булган мәгълүматлар буенча ТР Инвестицион үсеш агентлыгында 460 млрд. сумлык 187 проект инвестицион проектлау этабында, моннан тыш 8 млрд. сумлык 10 проект гамәлгә кую стадиясендә. 2012 елда чит ил инвестицияләре күләме 735,6 млн. АКШ доллары тәшкил иткән.
2013 елда ТР Инвестицион үсеш агентлыгы ТР на 1 млрд. АКШ доллары тирәсе инвестиция җәлеп итү бурычын куя.
Коллегия утырышында Автошәһәр советы депутаты, “Развитие” ҖЧҖ директоры, шәһәр мэры каршындагы Эшмәкәрләр советы рәисе Сергей Кулиш чыгыш ясады. Ул республикада инвестицин мәйданчыклар үсеше турында сөйләде. Ул шулай ук республиканың сәнәгать һәм инвестицион мәйданчыкларында эшчәнлек алып бару өчен норматив базасын үзгәртү буена тәкъдимнәр белдерде. Илдар Халиков чыгышын тәмамлаганда бу мәсьәлә буенча төгәл тәкъдимнәр белдерүне сорады.
Илдар Халиков коллегиядә һәм форумда катнашучыларга, чит ил инвесторларына рәхмәт белдерде.
“Инвестицияләр – ул безнең киләчәк. Татарстанда ТР Инвестицион үсеш агентлыгы тикмәгә генә оештырылмаган, инвестицияләр җәлеп итү һәм шәһәрләрдә, районнарда эшмәкәрлеккә ярдәм итү өчен яхшы инфраструктура булдырылган. Яхшы нәтиҗәләр бар, әмма без зурак уңышларга ирешә алабыз. Министрлар, дәүләт структурлары вәкилләре шәхсән үз тармакларына инвестицияләр җәлеп итү белән шөгыльләнергә тиеш, бу бик мөһим”, дип билгеләп үтте Илдар Халиков.
Шулай ук ТР Премьер-министры Инвестицион үсеш агентлыгының 2013 елга кайбер бурычларын билгеләде. Ул район, ТР министрлыклары һәм ведомстволары җитәкчеләренең игътибарын төбәкнең инвестицион җәлеп итүчәнлеге өлкәсендә эшләүгә юнәлтте. Утырыш ахырында ул Татарстан Республикасына инвестицияләр җәлеп итүдә катнашкан һәм катнашучыларга рәхмәт белдерде.