Рөстәм Миңнеханов “Татнефть”ААҖ Директорлар советының чираттагы утырышын уздырды

Бүген Казанда Татарстан Республикасы Президенты, “Татнефть”ААҖ Директорлар советы рәисе Рөстәм Миңнеханов “Татнефть”ААҖ Директорлар советының чираттагы утырышын уздырды.
Директорлар советы утырышы барышында гыйнварда “Татнефть” ААҖ бюджеты үтәлешенә нәтиҗә ясалды һәм 2013 елның март ае бюджеты расланды.

Утырышта 2013-2014 елларда пласт басымын саклау системасын камилләштерү программасы каралды.Аның төп юнәлешләренең берсе – кысып тутыру скважиналары буенча геологик-техник чараларны үтәү.


Директорлар советы әгъзалары “Татнефть” ААҖ хезмәт коллективының 2012 ел конференциясе нәтиҗәләре һәм социаль программаларның үтәлеше хакында фикер алыштылар. “Татнефть” компанияләре төркемнәре хезмәткәрләрен, аның пенсионерларын гарантияләр һәм социаль ташламалар белән тәэмин итү, шулай ук шәһәрләрне һәм поселокларны төзекләндерү проектларын гамәлгә ашыру, халыкның социаль-көнкүреш мәсьәләләрен хәл итү буенча уңышлы киңкүләмле эш башкарылу билгеләп үтелде.

Утырышта 2012 елда эчке аудит идарәсенең эш нәтиҗәләре турында мәгълүмат тыңланды. Аның белгечләре тарафыннан компаниянең финанс-хуҗалык эшчәнлегенең төрле мәсьәләләре буенча 11 планлаштырылган аудит үткәрелгән. Идарә шулай ук планнан тыш проектларны гамәлгә ашыруда актив катнашкан, алар – матди-техник тәэмин итү стратегиясен эшләү, сәүдә мәйданчыгында “кайнар линия” эшчәнлеген анализлау.
Директорлар советы 2012 елгы эшчәнлек нәтиҗәләре буенча “Татнефть” ААҖ акционерларының еллык гомуми җыелышын уздыру мәсьәләләрен карады.