ТР Министрлар Кабинеты һәм муниципаль районнар килешүләргә кул куйдылар

Бүген Татарстанның Министрлар Кабинеты утырышы узды, аның барышында Татарстан Республикасы Министрлар Кабинеты һәм муниципаль районнар (шәһәр округлары) арасында Татарстан Республикасы җирле үзидарә органнары эшчәнлеге нәтиҗәлелеген бәяләү индикаторлары, планлаштырылган күрсәткечләргә ирешү турында, 2013-2015 нче елларга килешүләргә кул куелды. Утырышны Татарстан Республикасы Премьер-министры Илдар Халиков үткәрде.
Чара башында ул торак-коммуналь хуҗалык проблемасына, шул исәптән гомумйорт ихтыяҗлары өчен түләү мәсьәләсенә игътибар итте. “Торак-коммуналь хуҗалык темасы һичшиксез беренче урынга чыкты”, - дип билгеләп үтте Илдар Халиков. Ул республика районнарында гомумйорт ихтыяҗлары өчен түләү мәсьәләсе белән бәйле кайбер саннар китерде.
Бу чарадан соң торак-коммуналь хуҗалык мәсьәләләре бунча киңәшмә узачак, дип хәбәр итте Татарстан Хөкүмәте башлыгы, монда видеоконференция рәвешендәге элемтә режимында төбәкләр дә катнашачак. Аларга әлеге мәсьәлә буенча үз карашларын белдерергә кирәк булачак.
Торак-коммуналь хуҗалык темасы бик четрекле булуын билгеләп, әлеге өлкәдә нинди дә булса стандартлар кертү авыр: һәр муниципаль берәмлекнең үз шартлары һәм тәкъдимнәре булырга мөмкин. Аларны исәпкә алырга кирәк дип, ассызыклап үтте ТР Премьер-министры.
Көн үзәгендәге мәсьәлә буенча фикер алышканнан соң утырышта катнашучылар килешүләргә кул кую церемониясенә күчтеләр. Килешүләр нигезендә муниципаль районнар (шәһәр округлары) имзалана торган документа билгеләнгән җирле үзидарә органнары эшчәнлеге нәтиҗәлелеген бәяләү индикаторлары, планлаштырылган күрсәткечләргә ирешү буенча җаваплылыкны үз өстенә ала.
Утырышта катнашучылар алдында икътисад министры Мидхәт Шаһиәхмәтов чыгыш ясады. “Бүген төбәкләрдә дәүләт хакимияте органнарына бәя бирү мәсьәләләренә федераль дәрәҗәдә зур игътибар бирелә”, - диде ул.
“Татарстан соңгы елларда эшчәнлек нәтиҗәлеге күрсәткечләре буенча РФ субъектлары арасында беренче урынны алып тора һәм безнең алда - әлеге позицияләрне саклап калу бурычы тора. Шуңа күрә бүген килешүләргә кул кую – эшчәнлекнең мөһим этабы.”, - дип аерым ассызыклап п үтте М. Шаһиәхмәтов.
2012 елгы килешүләрдә 28 индикатор каралган иде. Күрсәткечләрне иң уңышлы үтәгән муниципалитетлар арасында – Сарман, Яшел Үзән, Казан. Күрсәткчләре түбән булган районнар арасында – Бөгелмә, Питрәч, Мөслим, Балтач. Чистай районнары.
Эшчәнлек нәтиҗәлелеге механизмы үзгәрү турында сөйләгәндә, 2013-2015 нче елларга исәпләнгән яңа килешү федераль индикаторлар нигезендә формалашкан 17 күрсәткечтән гыйбарәт. Документларда 2012 елдан күчкән 8 индикатор кала, дип хәбәр итте М. Шаһиәхмәтов. “2013 елда җитештерүчәнлекне арттыру, инвестицияләр җәлеп итү, кече һәм урта эшмәкәрлекне үстерү турында уйларга кирәк”, - диде Татарстанның икътисад министры үз чыгышын тәмамлап.
“Күрсәткечләр аңлаешлы һәм гади”,- дип аңлатма биреп китте Илдар Халиков.
Хөкүмәт исеменнән килешүләргә ТР Премьер- министры Илдар Халиков кул куйды, республиканың муниципаль берәмлекләре исеменнән – муниципаль район башлыклары, аларның урынбасарлары кул куйдылар.