Казанга Финанс мониторингы буенча федераль хезмәт директоры Юрий Чиханчин килде

2013 елның 1 марты, җомга
Бүген Татарстан Республикасы башкаласына Финанс мониторингы буенча федераль хезмәт директоры Юрий Чиханчин эш визиты белән килде. “Казан” халыкара аэропортында Юрий Чиханчинны ТР Президенты Рөстәм Миңнеханов һәм башка рәсми затлар каршы алды.
ТР Хөкүмәт йортында,ТР Президентының эш бүлмәсендә Рөстәм Миңнеханов белән Юрий Чиханчин әңгәмә кордылар. Алар милли иминлеккә куркыныч янаучы төп чыганакларның берсе буларак террорчылыкны финанслауга каршы көрәш чаралары буенча фикер алыштылар.

Аннары Юрий Чиханчин Россия Федераль Куркынычсызлык хезмәте, Россия Эчке эшләр министрлыгы, Россия Федерациясе Генераль прокуратурасы һәм башка Милли террорчылыкка каршы комитет әгъзалары булган министрлыклар һәм ведомстволар вәкилләре катнашында, террорчылыкны финанслауга каршы көрәш мәсьәләләре буенча Милли террорчылыкка каршы комитет каршындагы эсперт-консультатив төркемнең 9 нчы утырышын уздырды.. Утырышта Татарстан Республикасы ягыннан ТР Премьер-министры урынбасары Әсгать Сәфәров катнашты.


ТР Президенты матбугат хезмәте, Елена Бритвина.
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International