Рөстәм Миңнеханов Фикрәт Табиевны 85 яшьлеге белән котлады

2013 елның 4 марты, дүшәмбе
Бүген Мәсәкүдә, ТР ның РФ дәге Тулы вәкаләтле вәкиллегендә Татарстан Республикасы Президенты Рөстәм Миңнеханов Фикрәт Табиевны 85 яшьлеге белән котлады. Ул 19 ел КПСС Татарстан өлкә комитетын җитәкләгән, Советлар Союзының Әфганстандагы Гадәттән тыш һәм Тулы вәкаләтле илчесе булган.
Рөстәм Миңнеханов Фикрәт Әхмәтҗан улы Табиевка Татарстанның социаль-икътисади үсешенә зур өлеш керткәне өчен Татарстан республикасы Президенты Рәхмәт хаты тапшырылды. Республика җитәкчесе котлавында: “Бу истәлекле дата – сезгә тирәнтен хөрмәт һәм күпьеллык нәтиҗәле хезмәтегез, Татарстан үсеше өчен зур өлеш керткән өчен рәхмәт сүзләре белән мөрәҗәгать итү мөмкинлеге дә. Сез язмышны хәл итә торган дәүләт карарлары кабул итә һәм аларны тормышка ашыра белүче талантлы, көчле җитәкче буларак республика тарихына кердегез. Сез башкарган эшләр бүген Татарстан республикасына илнең нык һәм тотрыклы төбәкләренең берсе булырга һәм гомумроссия модернизациясендә ныклы хәрәкәт итәргә мөмкинлек бирә. Сезнең эшкә сәләтле булуыгыз, киң кырлы фикерләвегез, киләчәкне тоемлавыгыз яңа җитәкчеләр өчен үрнәк булып тора. Сезгә чын күңелдән озын гомер, сәламәтлек һәм иминлек телим”, диелгән.
Татарстан Республикасының беренче Президенты Минтимер Шәймиев белән Татарстан Республикасы Дәүләт Советы Рәисе Фәрит Мөхәммәтшин дә юбилярны котлап Мәскәүгә телеграмма җибәрде, дип хәбәр итә ТР ның РФ дәге Тулы вәкаләтле вәкиллеге.
Фикрәт Табиевны шулай ук ТР ның РФ дәге Тулы вәкаләтле вәкиле Равил Әхмәтшин, “Татнефть” ААҖ генераль директоры ШәфәгатьТәхаутдинов, армия генералы Мәхмүт Гәрәев, Россия медицина фәннәре академиясе, Россия Фәннәр академиясе академигы Ренат Акчурин, юбилярның хезмәттәшләре һәм тарафдарлары, гаиләсе котлады.
«Татар-Информ» ИА
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International