Татарстан Республикасы Лаеш районының тиз үсеше инвестицияләр хисабына мөмкин булды

Бүген ТР Премьер-министры Илдар Халиков Татарстанның Лаеш районында булды. Ул Лаеш муниципаль районы советының, 2012 нче елда социаль-икътисади үсеш нәтиҗәләренә һәм агымдагы 2013 нче елга булган бурычларга багышланган 20 нче хисап сессиясе утырышында катнашты.
. Төп доклад белән район башлыгы Михаил Афанасьев чыгыш ясады..
“Татарстан муниципаль берәмлекләренең социаль-икътисади үсеш рейтингында Лаеш районы беренче тапкыр өченче урынга чыгуга иреште.
Районның үсешендә икътисадның барлык өлкәләрендә инвестицияләрнең роле зур.Төп капиталга инвестицияләр 27,7 процентка арткан һәм 16,5 млрд. сум тәшкил иткән. Ел ахырында аэропортта яңа терминал ачылган, аэровокзалны реконструкцияләү өчен 7,8 млрд.сум инвестицияләнәчәк. Район территориясендә яңа тимер төзелә, аның өчен 6,6 млрд.сум салына.

“Смарт Сити Казан” инвестиция проекты да район тормышын яхшы якка үзгәртер дип көтәбез”. 355 га дан артык мәйданда Татарстанның яңа эшлекле үзәге һәм халыкара һәм Россия компанияләре өчен уңайлы мәйданчык барлыкка киләчәк,-дип белдерде Михаил Афанасьев.

Моннан тыш, Усад авылында сәнәгать электроникасын җитештерү буенча ICL-КПО ВС заводы төзелеше тәмамланып килә,аның ачылышы апрель башына планлаштырыла.

Мәгълүмат өчен:
Лаеш муниципаль районының тулай территориаль продукты 2012 елда 8,4% ка арткан һәм 10,5% млрд.сум тәшкил иткән.
2012 елда 51 703 кв.м. торак төзелә һәм файдалануга тапшырыла.
Хисап чорына 11 фельдшер-акушерлык пункты (ФАП) һәм ике амбулатория төзелә һәм ремотлана.2013 елга тагын 7 ФАП ны ремотлау һәм төзү планлаштырыла.