Татарстан Республикасы Хөкүмәте

Илдар Халиков: “Зур инвестиция проектларын арендага бирелә торган торактан башка гамәлгә ашырып булмый” 12.03.2013

2013 елның 12 марты, сишәмбе

Зур инвестиция проектларын гамәлгә ашыруда арендага бирелә торган торак базарының үсеше мөһим санала. Бу фикерне бүген Татарстан Премьер-министры Илдар Халиков арендага бирү өчен төзелә торган торак базарын формалаштыру мәсьәләләре буенча уздырылган киңәшмә барышында җиткерде. Бу киңәшмәне Казанда РФ төбәкләр үсеше министры урынбасары Сергей Дарькин уздырды.

Сергей Дарькин сүзләренчә, бу базарда Идел буе федераль округы алда бара.” Татарстан һәм Чуаш Республикалары бу мәсьәлә белән актив шөгыльләнәләр”,- диде ул.

2014-2015 елларда арендага бирелә торган тораклар төзелеше федерациянең барлык субьектларында да башланырга тиеш, һәм 2020 елга аренда торак фонды өлеше 10% тәшкил итәргә тиеш,-дип белдерде Сергей Дарькин.

“ Бу тема безнең өчен бик мәһим, чөнки зур инвестиция проектларын гамәлгә ашыру арендага бирелә торган торактан башка мөмкин түгел. Беренче тапкыр без бу проблема белән “ТАНЕКО” проектын гамәлгә ашырганда очраштык. “Алабуга” МИЗ проектлары белән дә шундый ук хәл”, дип хәбәр итте Илдар Халиков.

ТР төзелеш, архитектура һәм торак коммуналь хуҗалыгы министры Ирек Фәйзуллин үзенең чыгышында арендага бирелә торган торак төзелешендә Татарстанның тәҗрибәсе турында сөйләде. Республикада күпчелек проектлар хәзер Дәүләт торак фонды тарафыннан гамәлгә ашырыла,-диде ул.

ТР Президенты матбугат хезмәте. Михаил Миронов

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ТР Хөкүмәте Йортында ТР телләре турындагы законнарны гамәлгә ашыру советы һәм Габдулла Тукайның 140 еллыгын бәйрәм итү буенча оештыру комитетының уртак утырышы узды

Бүген Татарстан Республикасы Хөкүмәте Йортында Татарстан Республикасы Министрлар Кабинеты каршындагы Татарстан Республикасы телләре турындагы законнарны гамәлгә ашыру советының һәм Габдулла Тукайның тууына 140 ел тулуны бәйрәм итүгә әзерлек һәм аны үткәрү буенча оештыру комитетының уртак утырышы узды. Утырышны Татарстан Республикасы Премьер-министры Алексей Песошин алып барды.

ЯҢАЛЫКЛАРГА ЯЗЫЛУ