Татарстан һәм Дагыстан Республикасы арасында сәүдә-икътисадый, фәнни-техник һәм мәдәни хезмәттәшлек турындагы килешүне гамәлгә ашыру хакындагы беркетмәгә имза салынды

Татарстан Республикасының гаилә фермаларын һәм шәхси хыҗалыкларны үстерү, кече һәм урта эшкуарлыкка ярдәм итү, хакимият органнары өчен кадрлар әзерләү һәм аларны яңа һөнәргә өйрәтү өлкәсендәге тәҗрибәсе, шулай ук башка проектларны гамәлгә ашыру тәҗрибәсе белән Дагыстан Республикасы белгечләре уртаклашырга әзер. Бу хакта бүген Дагыстан Республикасы Президенты вазыйфаларын вакытлыча башкаручы Рамазан Абдулатипов Татарстан Республикасы Президенты Рөстәм Миңнеханов белән очрашуында белдерде.

Очрашу Казан Кремлендә Татарстан Президенты резиденциясенең сөйләшүләр алып бару залында узды.  

Исегезгә төшерәбез, Дагыстан Республикасы делегациясе Дагыстан Республикасы Президенты вазыйфаларын вакытлыча башкаручы Рамазан Абдулатипов җитәкчелегендәбүген кыска визит белән Казан шәһәренә килде. Кунаклар югары технологияләр паркында – ИТ-паркта (Казан, Петербург ур.), анда алар өчен мәгълүмат технологияләре өлкәсендәге проектлар тәкъдир ителде.

Аннары Рамазан Абдулатипов белән Рөстәм Миңнеханов Татарстан Президентының эш кабинетында әңгәмә кордылар. 

Киңәйтелгән состав очрашуы барышында Рөстәм Миңнеханов, федерацииянең ике субъекты җитәкчелегенә Казанга кыска вакытлы визит кысаларында бик мөһим мәсьәләләр һәм региональ үсешнең актуаль проблемалары буенча фикер алышу мөмкин булды, дип ышаныч белдерде. Татарстан Республикасының күп өлкәләрдәге, шул исәптән документларның электрон әйләнеше өлкәсендәге, тәҗрибәсе Дагыстаннан килгән белгечләргә файдалы булыр һәм күп кенү мәсьәләләр буенча оператив карарлар кабул итәргә ярдәм итәр, диде Рөстәм Миңнеханов. Ул шулай ук бүген Татарстандагы документларның электрон әйләнешен хакимиятнең барлык органнары да куллануны билгеләп үтте.

Кече һәм урта эшкуарлыкка килгәндә исә, диде Рөстәм Миңнеханов, бүген урта сыйныф теләсә кайсы дәүләтнең нигезе булып тора, һәм аңа ярдәм кулы сузу бик мөһим.  

Авыл хуҗалыгында кешеләрне эш белән тәэмин итү һәм яңа эш урыннары булдыру мәсьәләсен гаилә фермалары, шәхси хуҗалыкларга дәүләт дәрәҗәсендә ярдәм күрсәтү хәл итә, дип саный Татарстан Республикасы Президенты. Аның сүзләренчә, бу өлкәдә ел саен йомгак ясау авыл кешеләренең акчалата керемнәре артуны, республикада фермерлар хәрәкәте көчәюне белдерә. Без Татарстанда кимендә 1 меңләп гаилә фермасы булдыруны бурыч итеп куйдык, диде Президент, бүггенгә 870тән артык ферма булдырылды, шул исәптән югарытехнологиялеләр дә бар. Авыл кешеләре проблемаларының берсе – алар җитештергән авыл хуҗалыгы продукциясен реализацияләү, дип хәбәр иттте Рөстәм Миңнеханов, шуңа да карамастан бу продукция шәһәр кешеләренә бик кирәк. Нәкъменә шул проблеманы хәл итү өчен Казанда Агропросәнәгать паркы төзелде, мәйданы 50 тыс. кв. м., авыл кешеләре арадашчыларсыз гына үз продукциясен реализацияли алачак.

Татарстан Президенты шулай ук республикада хакимият органнары өчен кадрлар әзерләүнең һәм аларны яңа һөнәргә өйрәтүнең барышы турында кыскача гына сөйләп узды. Ул бу проблема белән Казан (Идел буе) федераль университетында базасындагы структураларның берсе шөгыльләнә. “Кеше баштан ук “башлык булырга” укып йөри алмый,- диде Рөстәм Миңнеханов. – Ул башта белгечлек алырга, юрист, икътисадчы булырга тиеш, аннары инде идарәче булып китә”. 

Рөстәм Миңнеханов фикеренчә, бүген Дагыстан өчен яңа эш урыннары булдыру мөһим, бигрәк тә яшьләр өчен, технопарклар, индустриаль парклар, башка инновацион мәйданчыклар төзергә кирәк.
Бүген регионнар үз позициияләрен федерация дәрәҗәсендә яклый белергә тиеш, диде Рөстәм Миңнеханов. Ул Рамазан Абдулатиповка Россия Инновацион регионнары ассоциациясенә (АИРР) керү мөмкинлеген карарга тәкъдим итте. Минем уйлавымча, сез дә Россия Инновацион регионнары ассоциациясе әгъзасы – регионы булырсыз, диде ул.
Рөстәм Миңнеханов һәм Рамазан Абдулатипов Исламдагы террорчылык агымы кебек мөһим темага да кагылдылар. Дини кешеләр белән гыйлемле, толерант руханилар эшләргә тиеш, дип саный Рөстәм Миңнеханов, руханилар халыккатотрыклылык, үзара татулык орлыкларын чәчәргә тиеш. Төп халкы мөселманнар булган республикалар бу мәсьәләдә берләшергә тиеш, дип белдерде Татарстан Президенты. Аның сүзләренчә, Татарстанда төрле диннәрдән булган кешеләр һәрчак тату яшәде.

Тулаем Рөстәм Миңнеханов билгеләп үткәнчә, бүген Татарстан башка регионнар белән хезмәттәшлек, тәҗрибә уртаклашу өчен ачык.  

Үз чиратында, Дагыстан Республикасы Президенты вазыйфаларын вакытлыча башкаручы Рамазан Абдулатипов Дагыстан делегациясе Татарстан коллегалары янына дуслар буларак килде дип билгеләп үтте. Без өйрәнергә әзербез, күп кенә перспектив проектлар белән таныштык, алар Дагыстанда да гамәлгә ашырылачаклар, диде ул. Бүген минем өчен эшкуарлыкны үстерү аеруча мөһим, дип дәвам итте сүзләрен Рамазан Абдулатипов, минем өчен ике-өч олигархка караганда мең эшкуар мөһимрәк дип гел әйтә киләм.

Дагыстан өчен кадрлар әзерләү һәм аларны яңа һөнәргә өйрәтү актуаль булып кала бирә, дип билгеләп үтте. 

Рамазан Абдулатипов бүген регионнарның икътисадый һәм мәдәни интеграциясе системасы җитәрлек үсеш алмау белән дә килеште.

Очрашу Татарстан һәм Дагыстан Республикасы арасында сәүдә-икътисадый, фәнни-техник һәм мәдәни хезмәттәшлек турындагы килешүне гамәлгә ашыру хакындагы беркетмәгә имза салу белән тәмамланды (Килешүгә 2011 елның 19 сентябрендә имза салынган иде).  

Документка Татарстан Республикасы Президенты Рөстәм Миңнеханов һәм Дагыстан Республикасы Президенты вазыйфаларын вакытлыча башкаручы Рамазан Абдулатипов имза салды.