Татарстан Республикасы Хөкүмәте

ТР Хөкүмәт Йортында “Чистай” индустриаль паркын коррупциягә каршы тикшерү нәтиҗәләре турында сөйләштеләр

2013 елның 20 марты, чәршәмбе

Бүген Татарстан Республикасы Хөкүмәт йортында Татарстан Республикасы Президенты Р. Н. Миңнеханов рәислегендә Коррупциягә каршы көрәш мәсьәләләре буенча Республика эксперт төркеме комиссиясенең “Чистай” индустриаль паркы инфраструктурасын төзүнең торышын һәм аның әзерлеген мониторинглау барышында алынган эш нәтиҗәләрен карауга багышланган киңәшмә уздырылды.

Киңәшмәдә Татарстан Республикасы Президентының Коррупциягә каршы сәясәт мәсьәләләре идарәсе башлыгы М.С. Бәдретдинов, Татарстан Республикасы Икътисад министры М.Р. Шаһиәхмәтов, Татарстан Республикасы Баш инвестиция-төзелеш идарәсе башлыгы Р.Ф. Нуруллин, шулай ук Татарстан Республикасы Чистай муниципаль районы башкарма комитеты җитәкчесе М.Х. Гобәев чыгышлары тыңланды һәм индустриаль парк инфраструктурасы әзерлегенең проблемалы мәсьәләләре, шулай ук барлык объектларны файдалануга тапшыру мәсьәләләре буенча фикер алышынды.

Киңәшмә нәтиҗәләре буенча кызыксынучы министрлыкларга, шулай ук башка оешмаларга индустриаль парк инфраструктурасы объектларын файдалануга тапшыру эшләрен тәмамлауга юнәлдерелгән йөкләмә бирелде. Татарстан Республикасы Баш инвестиция-төзелеш идарәсенә индустриаль паркның һәр объектын тәмамлау буенча тәкъдимнәре булган планны әзерләү йөкләнде. Татарстан Республикасы Икътисад министрлыгына, Татарстан Республикасы Инвестицион үсеш агентлыгына Чистай муниципаль районы җирле үзидарә органнары белән берлектә индустриаль парк мәйданына инвесторлар җәлеп итү эшен активлаштыру тәкъдим ителде.

ТР Президенты Матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ТР Хөкүмәте Йортында ТР телләре турындагы законнарны гамәлгә ашыру советы һәм Габдулла Тукайның 140 еллыгын бәйрәм итү буенча оештыру комитетының уртак утырышы узды

Бүген Татарстан Республикасы Хөкүмәте Йортында Татарстан Республикасы Министрлар Кабинеты каршындагы Татарстан Республикасы телләре турындагы законнарны гамәлгә ашыру советының һәм Габдулла Тукайның тууына 140 ел тулуны бәйрәм итүгә әзерлек һәм аны үткәрү буенча оештыру комитетының уртак утырышы узды. Утырышны Татарстан Республикасы Премьер-министры Алексей Песошин алып барды.

ЯҢАЛЫКЛАРГА ЯЗЫЛУ