Илдар Халиков: “Ак Барс”банкы” – Татарстан икътисадында әйдәп баручы банк”

Татарстанның зур финанс оешмасы – “Ак Барс” банкы” – республиканың уңышлы икътисадый үсешенә зур өлеш кертә. Бу хакта бүген ТР Премьер-министры Илдар Халиков “Ак Барс”банкы” ААҖ акционерларының гомуми еллык җыелышында чыгыш ясаганда хәбәр итте.

Банкның 2012 елдагы төп эшчәнлеге турында “Ак Барс”банк” ААҖ Идарәсе рәисе Роберт Миңнегалиев сөйләде. 2012 елда банк үз эшчәнлегенең масштабларын киңәйтә, шуның нәтиҗәсендә активлар 36,4 млрд. сумга (12,1%) һәм ел ахырына 336,6 млрд. сумга арта. Клиент акчаларын җәлеп итү 21% ка үсә һәм 2012 ел ахырына 212,4 млрд. сум санала.

“Ак Барс” банкы” ның өлеше Россия банк системасының барлык активларында 2012 ел ахырына 0,7% тәшкил итә, банк үз капиталы күләме буенча Россиядә 16 нчы урынны һәм активлар күләме буенча 17 нче урынны алып тора.
2012 елда финанс эшчәнлеге нәтиҗәсе булып, 187,9 млн. сум чиста табыш алу тора.

Акционерлар банкның еллык отчетын, “Ак Барс” банкы” ААҖ аудиторларын расладылар. Шулай ук уставка кертелгән үзгәрешләр һәм өстәмәләр һәм яңа Директорлар Советы составы өчен тавыш бирделәр.

Татарстан Президенты Рөстәм Миңнеханов исеменнән банкның 2012 елдагы уңышлы эшләре өчен ТР Премьер-министры Илдар Халиков рәхмәт белдерде. “Ак Барс” банкы” – республика икътисадында әйдәп баручы банк”,- ассызыклады Татарстан Хөкүмәте башлыгы.
ТР Премьер-министры шулай ук финанс оешмасы хезмәткәрләренә бүләкләр тапшырды.