Татарстан Республикасы Хөкүмәте

Татарстан Республикасы һәм IBM корпорациясе Ниятләр турындагы беркетмәгә кул куйдылар

2008 елның 23 августы, шимбә

22 августта Татарстан Республикасы Хөкүмәте һәм IBM корпорациясе IBM программалары чишелешен эшкәртү үзәген төзүгә карата Ниятләр турындагы беркетмәгә кул куйдылар. Документ Татарстан Республикасы башкаласы Казанда яңа ИТ-парк төзү буенча якларның хезмәттәшлек өлкәләрен билгеләде.
Ниятләр турындагы беркетмә ахырында Татарстан Республикасы Премьер министры Рөстәм Миңнеханов, “Көнчыгыш Европа/Азия” IBM ААҖ генераль директоры Кирилл Корнильев һәм үсеп бара торган базарлар буенча IBM генераль менеджеры Бруно Ди Лео (Bruno Di Leo) кул куйды.
Татарстан Республикасы Хөкүмәте башлыгы Рөстәм Миңнеханов билгеләп үткәнчә, документ Татарстан Республикасы Министрлар Кабинеты белән IBM корпорациясе арасында элек булган килешүләрне гамәлгә ашыру буенча алдагы чараларны да үтәргә мөмкинлек бирәчәк.
Рөстәм Миңнеханов сүзләренә караганда, ИТ-үзәк төзү белән Татарстан Республикасы Президенты Минтимер Шәймиев тә кызыксына.
Бруно Ди Лео әфәнде, аерым алганда, кул куелган документка республика белән хезмәттәшлектә беренче этап буларак каравын, аның артыннан кайбер башка килешүләр дә булыр дип көтүен әйтеп узды.
Очрашу нәтиҗәләре буенча Татарстан Республикасы һәм IBM корпорациясе ягыннан, реаль эшкә күчү өчен, эшче төркемнәр төзеләчәк. Якларның, агымдагы мәсьәләләр турында фикер алышу өчен, ким дигәндә ярты елга бер тапкыр җыелып сөйләшүләре көтелә.

Татарстан Республикасы Министрлар Кабинеты матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ТР Хөкүмәте Йортында ТР телләре турындагы законнарны гамәлгә ашыру советы һәм Габдулла Тукайның 140 еллыгын бәйрәм итү буенча оештыру комитетының уртак утырышы узды

Бүген Татарстан Республикасы Хөкүмәте Йортында Татарстан Республикасы Министрлар Кабинеты каршындагы Татарстан Республикасы телләре турындагы законнарны гамәлгә ашыру советының һәм Габдулла Тукайның тууына 140 ел тулуны бәйрәм итүгә әзерлек һәм аны үткәрү буенча оештыру комитетының уртак утырышы узды. Утырышны Татарстан Республикасы Премьер-министры Алексей Песошин алып барды.

ЯҢАЛЫКЛАРГА ЯЗЫЛУ