Татарстанда 15 апрельдән 15 июньгә кадәр җитештерү һәм туклану калдыклары белән эш итү өлкәсендә 10 762 тәртип бозу ачыкланган һәм бетерелгән

Татарстан Республикасында 2013 елның 15 апреленнән 15 июньгә кадәр 1595 рөхсәтсез чүп урыны ачыкланган, шуларның 1419 бетерелгән. Бу хакта бүген брифингта ТР экология һәм табигать ресурслары министры Артем Сидоров хәбәр итте.
Брифинг ТР Хөкүмәт Йортында узды һәм ул Татарстан Республикасы территорияләрен санитар-экологик чистарту буенча ике айлык нәтиҗәләренә багышланган иде.
Гадәттәгечә бу чара республиканың барлык муниципаль районнары белән видеоконференция-элемтә режимында булды.

Артем Сидоров искә төшергәнчә, Татарстан Республикасы Министрлар Кабинеты карары кысаларында республика территорияләрендә санитар-экологик чистарту уздырылды (2013 елның 15 апреленнән 15 июньгә кадәр).
Бу вакыт эчендә сәнәгать һәм туклану калдыклары белән эш итүгә бәйле 10792 тәртип бозу ачыкланган һәм бетерелгән.
Ачыкланган тәртип бозулар нәтиҗәләре буенча республиканың 179 предприятиесе һәм оешмасы, 1034 вазыйфаи зат җаваплылыкка тартылган. 18,5 млн. сумлык штраф салынган.
Тәртип бозган оешмаларга карата 61 материал прокуратурага җибәрелгән. Һәр бишенче административ материал муниципалитетлар тарафыннан төзелгән.

Брифингта ТР урман хуҗалыгы министрының беренче урынбасары Харис Мусин, Табигый байлыклардан файдалану өлкәсендә күзәтчелек Федераль хезмәтенең ТР буенча идарә җитәкчесе урынбасары Лилия Гайнетдинова катнашты.