Татарстан Республикасы SAP компаниясе белән хезмәттәшлекне киңәйтү ягында
Бүген Санкт-Петербургта Татарстан Республикасы Президенты Р.Н. Миңнеханов һәм БДБ SAP компаниясе генераль директоры Виталий Постолатий белән стратегик партнерлык мәсьәләләре буенча фикер алышты.
Очрашу Петербург халыкара икътисадый форумы (комплекс “Ленэкспо”, Санкт-Петербург) кысаларында узды.
Кунакларны сәламләп, Рөстәм Миңнеханов билгеләп үткәнчә, бүген Татарстан эре компанияләрдә дә, шулай ук кече һәм урта бизнес өлкәсендә предприятиеләргә идарә итү системаларын файдалануда да, дәүләт идарәсе өлкәсендә дә SAP компаниясе белән хезмәттәшлекне киңәйтү ягында.
Бездә сезнең продукциягә ихтыяҗ бар, диде Рөстәм Миңнеханов, югары квалификацияле белгечләргә зарурлык бар, без эшләргә әзер.
SAP компаниясе вәкилләре хәбәр иткәнчә, җитештерүгә идарә итү системалары базарында компания 40 елдан артык эшли. Без Россия регионнары белән хезмәттәшлекне киңәйтү ягында, диде Виталий Постолатий. Аның сүзләренчә, көз көнне компания ачу планлаштырыла, бүген компаниянең Татарстанда берничә партнеры(ИТ-интеграторы) эшли.
Татарстан Республикасы Президенты республикада сәнәгать предприятиеләре өчен белгечләр әзерләүче SAP уку үзәген ачу мөмкинлеген карарга тәкъдим итте. Рөстәм Миңнеханов сүзләренчә, мондый уку үзәге өчен мәйданчык итеп Казан (Идел буе) федераль университетын сайларга мөмкин.
Очрашу барышында яклар көз көнне Казанда SAP-форумын уздыру мөмкинлеге буенча фикер алыштылар. Мондый форум кысаларында эре предприятиеләр, кече һәм урта бизнес, дәүләт органнары өчен секцияләр булдырылырга мөмкин.
Очрашу азагында “КАМАЗ” ААҖ белән SAP компаниясе арасында хезмәттәшлек турында килешүгә имза салынды. Документка “КАМАЗ” ААҖ ягыннан генераль директоры Сергей Когогин имза салды. Килешү кысаларында “КАМАЗ” ААҖ һәм SAP предприятиегә идарә итү өчен җитештерү, логистика, финанс һәм идарәчел исәпкә алу, шулай ук персоналга идарә өлкәсендә төп бизнес-процессларны үз эченә алган бердәм платформа булдыруны дәвам итәчәкләр. Программа 5 элек “КАМАЗ” ААҖдә башланган иде.
Белешмә өчен:
SAP, корпоратив программ кушымталар өлкәсендә бөтендөнья лидеры, теләсә кайсы зурлыктагы һәм специализациядәге оешмага үз эшчәнлегенең нәтиҗәлелеген арттырырга ярдәм итә.