ТР Төзелеш министрлыгы: Татарстанда күп фатирлы йортларны капиталь ремонтлау программасы 80%ка диярлек үтәлгән

Татарстанда күп фатирлы йортларны капиталь ремонтлау программасы 79%ка үтәлгән. Сезонлы эшләр күләме 77% тәшкил итә. Бүгенге көндә 67 йортта эшләр тәмамланып килә. 87 торак объектта эшләр тулысынча тәмамланган. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте. Киңәшмәне Татарстан Премьер-министры Алексей Песошин уздырды.

Мәгариф объектларын капиталь ремонтлау 5 программа буенча алып барыла. Гомумән алганда, Татарстан һәм федераль бюджетлар акчаларын кулланып, быел 118 мәктәп ремонтлана, шуларның 11е бүгенге көндә тәмамланган. Тулаем алганда, эшләр 66%ка башкарылган.

22 балалар бакчасының 20се эшләнә, эшнең 67%ы башкарылган. Бу атнада подрядчылар Азнакайдагы мәктәпкәчә белем бирү учреждениесендә ремонтның тәмамлануы турында хисап тотты.

167 гомуми белем бирү учреждениесендә азык-төлек блогларын ремонтлау программасы пландагы төзү-монтаж эшләренең 45%ка үтәлгән. Бу атнада Теләче районында ремонт эшләре тәмамланган. Шулай ук 6 ресурс үзәген ремонтлау буенча эшләр 69%ка үтәлгән. Белем бирү учреждениеләренең 4 тулай торагы биналарының 59%ы ремонтланган.

Марат Айзатуллин мәгариф объектларын капиталь ремонтлауны 20 августка кадәр төгәлләргә кирәклеген искәртте.

«Сәламәтлек саклау» тармагында 3 программа гамәлгә ашырыла. Федераль һәм республика программасы буенча гамәлгә ашырыла торган беренчел звено объектларының яртысыннан артыгы файдалануга тапшырылган: 20 объектның 9ы эштә кала. Төзелеш эшләре 66%ка башкарылган.

Стационарларны капиталь ремонтлау республика программасына 24 объект кертелгән. Подрядчылар тарафыннан төзелеш-монтаж эшләренең гомуми күләменең 77%ы гамәлгә ашырылган. Бу атнада Бөгелмә РҮХне тапшырганнар.

«Мәдәният» тармагында 4 программа гамәлгә ашырыла. 10 авыл мәдәният йорты буенча эшләр 68%ка башкарылган. 7 мәгариф учреждениесе буенча үтәлеш 62% тәшкил итә.

Экология һәм табигый ресурслар саклау өлкәсендә 2 программа чарасы тормышка ашырыла. Тулаем алганда, аларның үтәлеше 46% дип бәяләнә. Подрядчылар 28 объект буенча эш алып бара. Өч объект тәмамланган.

Яшьләр сәясәте өлкәсендә 4 республика программасы гамәлгә ашырыла. Яшьләр үзәкләрен ремонтлау программасының 6 объектында эшләр 68%ка башкарылган. Бу атнада Казанда объектны төгәлләгәннәр. Савыктыру лагерьларын ремонтлау программасы 61%ка үтәлгән, аңа быел 6 объект керә. Алексеевск районында яшүсмерләр клубының 72%ы әзер. Психологик-педагогик ярдәм күрсәтү үзәкләренең 15 бинасын ремонтлау буенча подрядчылар программаның гомуми күләменең 71%ын үтәгәннәр.

«2019 – 2024 елларга Ватанны саклаганда һәлак булучыларның истәлеген мәңгеләштерү» дәүләт программасы ахырына якынлаша. 4 хәрби каберлекнең берсе генә калган – Казандагы «Арча кыры» зиратында. Үтәлеш 79% тәшкил итә.

Авыл хуҗалыгы линиясе буенча республика һәм федераль административ биналарны ремонтлауның 3 программасының берсе генә эшләнеп бетмәгән. Сүз «Россельхозүзәк» биналарын капиталь ремонтлау турында бара, ул финиш сызыгына якынлаша: 12 объектның Теләче районында ведомство бинасы эшләнә әле, аның буенча барысы 75%ы үтәлгән. Бу атнада Ютазы районында объект файдалануга тапшырылган.

Спорт өлкәсендә 23 учреждениене ремонтлау буенча эшләр 68%ка башкарылган.

Социаль яклау министрлыгы линиясе буенча стационар социаль хезмәт күрсәтү оешмаларының 29 бинасыннан 4се эшләнә. Бу атнада Чистай шәһәрендә объект тәмамланган. Программа эшенең план күләме 52%ка гамәлгә ашырылган.

Шулай ук башка административ биналарны ремонтлау дәвам итә. Ремонтлана торган 6 муниципаль архивның бары тик Ютазы районында саклау урыны гына эшли - эшләр 75%ка үтәлгән. Бу атнада Зеленодольск һәм Арча районнарында 2 объект төгәлләнгән.

Авыл җирлекләре башкарма комитетларын ремонтлау программасы буенча эшләрнең гомуми күләменең 5%ы калган. Бу – 11 объектның 2се. Бу атнада Кукмара районында башкарма комитет бинасы тапшырылган.

Җәмәгать судьяларының өч бинасы 73%ка ремонтланган. Милли гвардия гаскәрләренең федераль хезмәте идарәләрен ремонтлау программасына кергән биналарның әзерлек дәрәҗәсе 51% дип бәяләнә. Саба урманчылыгының административ бинасы буенча төзү-монтаж эшләре 88%ка башкарылган.

«Халыкны эчәр сулар белән тәэмин итү» программасы буенча төзү-монтаж эшләре 47%ка башкарылган. Бу атнада Аксубай районы 2 объект ны тәмамлау турында хисап тотты.

«Урам утларын торгызу» программасын тормышка ашыру 30 торак пунктта дәвам итә. Быел программага барлыгы 452 торак пункт кертелгән. Бу атнада Балтач, Зеленодольск, Кукмара районнарының 14 авыл җирлегендә һәм Казанда яктырту алыштырылган. Төзелеш-монтаж эшләре 82% тәшкил итә.

«Бюджет учреждениеләре котельныйларында казаннарны алыштыру белән газ куллану челтәрләрен реконструкцияләү һәм капиталь ремонтлау» программасы буенча подрядчыларның эшендә 40 объектның 22се кала. Бу атнада Азнакай, Актаныш, Алабуга, Лениногорск, Мамадыш, Минзәлә, Мөслим, Түбән Кама һәм Сарман районнарында эшләр тәмамланган. Эшләрнең 74%ы башкарылган.

«Газ бүлү челтәрләрен, йорт эчендәге газ куллану челтәрләрен реконструкцияләү һәм төзү, блок-модульле котельныйлар һәм районнарда тышкы казаннары урнаштыру» программасының 18 объекты буенча эшләр күләме 34% дип бәяләнә.

График буенча бакчачылык ширкәтләрендә эшләр бара. Су белән тәэмин итү кысаларында үтәлеш 47% тәшкил иткән, каты көнкүреш калдыклары мәйданчыкларын урнаштыру буенча – 45%. Республика һәм федераль акчаларны кулланып модернизацияләнә торган 15 инженерлык челтәрләренең 12се эшләнә. Эшләр 41%ка үтәлгән. Бу атнада Балык Бистәсе һәм Минзәлә районнарында эшләр тәмамланган.

«Чиста су» федераль проекты кысаларында Нурлат шәһәре өчен су алу төене булган су белән тәэмин итү системасы төзелешендә эшләр күләме 60%ка үтәлгән.