Татарстан Хөкүмәте башлыгы Рөстәм Миңнеханов: “Татарстандагы аммиак җитештерү буенча комплекс төзелеше - күптәннән уйланган проект”

Россия Хөкүмәте рәисе Владимир Путин җитәкчелегендәге Тышкы икътисади банкның Күзәтчелек советы кичә, 15 нче сентябрь көнне, Менделеевскида (Татарстан Республикасы) аммиак, метанол һәм гранулалы карбамид җитештерү буенча комплекс төзелеше проектына 350 млн. долларга кадәр акча бирүне хуплады.
Бу турыда бүген журналистларга Татарстан Республикасы Министрлар Кабинетында Татарстан Республикасы Премьер-министры Рөстәм Миңнеханов хәбәр итте.
Проектның гомуми кыйммәте 972,7 млн. доллар бәяләнә.
“Бу - без күптәннән бирле уйлап йөргән проект”, - диде Рөстәм Миңнеханов.
Шуны да искәртик: проектны минераль ашламалар җитештерү буенча “Менделеевсказот” ААҖ заводы мәйданчыгында “Аммоний” ААҖ гамәлгә ашыра.
Ел саен Менделеевскида аммиак, метанол һәм гранулалы карбамид җитештерү буенча комплекс 717 мең тонна аммиак, 230 мең тонна метанол, 717 мең тонна карбамид һәм 380 мең тонна аммиак селитрасы эшләп чыгарачак.
Проектның чыгымнары каплану вакыты – алты-җиде ел.
Проектның лицензиары - Haldor Topsoe (Дания), төзелеш буенча подрядчы - Mitsubishi Heavy Industries (Япония).
Проектның координация эшләрен башкаручы итеп, Япониянең Sojitz Corporation ы сайланды, производствоны чимал белән тәэмин итү өчен газ китереп торучы - “Татгазинвест” ЯАҖ (“Газ сәнәгате” ААҖ нең газ сату буенча төбәк операторы).