Татарстан Республикасы Хөкүмәте

Татарстан һәм Төмән өлкәсе хезмәттәшлекне үстерү турында килештеләр

2013 елның 2 августы, җомга

Бүген Татарстан Республикасы Президенты Рөстәм Миңнехановның Төмәнгә эш визиты кысаларында Татарстан Республикасы белән Төмән өлкәсе арасында сәүдә-икътисадый, фәнни-техник, социаль һәм мәдәни хезмәттәшлек турында килешүгә имза салынды. Документка имзаны Рөстәм Миңнеханов һәм Төмән өлкәсе губернаторы Владимир Якушев салды.

Килешүгә имза салыр алдыннан кыска чыгышында Төмән өлкәсе губернаторы Владимир Якушев Рөстәм Миңнехановны сәламләде һәм Татарстан Хөкүмәтенә Төмәнне XIII федераль Сабантуй уздыру урыны итеп сайлаган өчен рәхмәт белдерде.

"Безнең Татарстан белән элемтә күптәнге, - дип белдерде Владимир Якушев. – Татарстан нефтьчеләре Көнбатыш Себер нефть комплексының чишмә башында тордылар".

Өлкә башлыгы искә төшергәнчә,1998 елда Татарстан белән Төмән өлкәсе арасында хезмәттәшлекнең төп принциплары турында шартнамә төзелгән булган инде.

Губернатор сүзләренчә, ике төбәкнең дә актив хезмәттәшлек өчен мөмкинлекләре бар. Төмән өлкәсендә Татарстан Республикасы эре предприятиеләренең вәкиллек челтәре, татарларның 30га якын милли этномәдәни берләшмәләре эшләп килә. Өлкә Хөкүмәте бу оешмаларга мөмкин кадәр ярдәм күрсәтә.

Татарстан Республикасы Президенты Рөстәм Миңнеханов үз чиратында билгеләп үткәнчә, республика делегациясе Төмәнгә бик теләп килде, һәм ике төбәк арасында элек-электән килгән нык багланышлар булуын искә төшерде. Татарлар Төмән җирендә аны үзләштерә башлаганнан бирле яшиләр, ә Советлар Союзы чорында Татарстаннан 22 мең белгечне вахта алымы белән Көнбатыш Себергә нефть ятмаларын үзләштерергә йөрткәннәр.

"Безне татар халкының телен, мәдәниятен, динен саклап калу мәсьәләләре борчый, һәм без сезнең төбәктә мондый мөмкинлекләр булуга рәхмәт белдерәбез", - дип мөрәҗәгать итте Татарстан Президенты Төмән өлкәсе губернаторына.

Үз чиратында республика, спутник телеканалының татарча эшләвен, телне өйрәнү буенча онлайн-программаларны тәэмин итеп, артистларның визитларын оештырып, бу эшкә үзеннән өлеш кертә.

"Элеккеге шартнамә безнең мөнәсәбәтләргә зур ярдәм булды, ә хәзер инде яңа бурычлар куярга кирәк, - дип ассызыклады Рөстәм Миңнеханов. – Без һәрвакыт Төмән өлкәсе тәҗрибәсен өйрәнәбез, безнең коллегалар өчен Татарстанның эшләнмәләре дә кызык булыр дип уйлыйм. Без уртак һәм озак вакытлы хезмәттәшлекне күз алдында тотабыз. Безнең багланышлар өчен бу килешү нигез булыр".

ТР Президенты Матбугат хезмәте. Михаил Миронов

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ТР Хөкүмәте Йортында ТР телләре турындагы законнарны гамәлгә ашыру советы һәм Габдулла Тукайның 140 еллыгын бәйрәм итү буенча оештыру комитетының уртак утырышы узды

Бүген Татарстан Республикасы Хөкүмәте Йортында Татарстан Республикасы Министрлар Кабинеты каршындагы Татарстан Республикасы телләре турындагы законнарны гамәлгә ашыру советының һәм Габдулла Тукайның тууына 140 ел тулуны бәйрәм итүгә әзерлек һәм аны үткәрү буенча оештыру комитетының уртак утырышы узды. Утырышны Татарстан Республикасы Премьер-министры Алексей Песошин алып барды.

ЯҢАЛЫКЛАРГА ЯЗЫЛУ