Минтимер Шәймиев һәм Григорий Рапота Зөя утрау-шәһәрендә булдылар

Бүген ТР Дәүләт Киңәшчесе, “Яңарыш” Республика фондының Попечительләр Советы рәисе Минтимер Шәймиев һәм Берләшкән дәүләтнең дәүләт секретаре Григорий Рапота Зөя утрау-шәһәрендә булдылар.

Минтимер Шәймиев дәрәҗәле кунакны утрау-шәһәрнең тарихи ядкәрләре һәм “Татарстанның мәдәни мирасы: борынгы Болгар шәһәре һәм Зөя утрау-шәһәре” проектын гамәлгә ашыру кысаларындагы реставрация һәм яңадан торгызу эшләренең барышы белән таныштырды.

Экскурсия елга вокзалыннан башланды. Кунаклар зур кызыксыну белән Россия императоры Павел I катерының төгәл күчермәсен карадылар. Ул Зөя елга вокзалы алдындагы яр буена, XVIII йөз ахыры Казан Адмиралтействосы суднолар төзү үрнәге буларак куелган. Алар шулай ук XVI йөз уртасына кадәр яшәгән татар бистәсенең агач корылмаларын казу эшләрен карадылар.

Минтимер Шәймиев һәм Григорий Рапота шулай ук Троица чиркәвен, Иоанн-Предтеча монастыреның “Всех скорбящих радость” соборында булдылар.

“Зөя утрау-шәһәре” дәүләт тарих-архитектура һәм сәнгать музееның директор урынбасары Светлана Фролова кунакларга Зөя тарих музееның уникаль экспозицияләрен күрсәтте.

Зөя Богородица-Успение ирләр монастыре башлыгы игумен Силуан кунакларны монастырь ишегалдында йөретте.

Григорий Рапота Братский корпус һәм Успение монастырен карады.
Кунаклар шулай ук “Атлар сарае” туристик этнография комплексында булдылар.

Утрау-шәһәрдә бик зур эш эшләнгән, дип белдерде Григорий Рапота. “ Шундый тарихи комплексны яңадан торгызу – гадәти булмаган эш. Бу туристларны тарту үзәге. Минтимер әфәнде фантастик эш башкарган, ул бик энергияле кеше, бары тик шундый кеше генә мондый йөкне күтәрә ала. Бик шәп!" - дип ассызыклады ул.

Кунакларны ТР Дәүләт Советы рәисе урынбасары Александр Гусев, Яшел Үзән муниципаль районының башкарма комитет җитәкчесе Александр Тыгин озата йөрделәр.