Татарстан Республикасы Хөкүмәте

Илдар Халиков “Татнефть”нең яшь хезмәткәрләре һөнәри осталык конкурсында булды

2013 елның 17 августы, шимбә

Бүген Әлмәттә “Татнефть”нең ел саен уза торган гадәти яшь хезмәткәрләрнең һөнәри осталык конкурсы булды. Конкурсны тантаналы ачуда Татарстан Республикасы Премьер-министры Илдар Халиков, “Татнефть” ААҖ генераль директоры Шәфәгать Тәхәветдинов, Әлмәт муниципаль район башлыгы Мәҗит Салихов, РФ Дәүләт Думасы депутаты Ришат Әбүбакиров, "Татнефть” ААҖ Директорлар Советы әгъзалары, нефть сәнәгате ветераннары катнашты.

Беренче конкурс 1970 елда “Әлмәтнефть” НГДУсында уздырыла. 1975елдан аерым нефть белгечлекләре буенча НГДУ лар арасында уздырыла башлый. 1986 елда беренче тапкыр конкурс бөтен “Татнефть” берләшмәләре кысаларында оештырыла.
Быелгы конкурс истәлекле дата – Татарстан нефть чыганакларын сәнәгый эшкәртүгә 70 ел тулу уңаеннан уздырыла.

Конкурс башланыр алдыннан Илдар Халиков, нефть сәнәгате үсешенә зур өлеш керткән “Татнефть” җитештерү төркеме хезмәткәрләренә дәүләт бүләкләре тапшырды.

Тантана барышында “Татнефть” ААҖ генераль директоры Шәфәгать Тәхәветдиновка Эшчеләр спортының халыкара конфедерациясе яклавында булган дөнья чемпионатында компаниянең җыелма командасы яулаган кубок тапшырылды.

Узган елдагыча ярышлар “Луч” телекомпаниясенең туры эфирында һәм “Татнефть” ААҖ нең эчке корпоратив челтәре аша трансляцияләнә.

Конкурс нәтиҗәләре буенча күчмә кубок һәм беренче урынны команда зачетында “Елховнефть” НГДУ коллективы яулады, 2 урын “Әлмәтнефть” НГДУ командасына, 3 урын “Ямашнефть” НГДУ командасына бирелде.

“Татнефть” ААҖ матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ТР Хөкүмәте Йортында ТР телләре турындагы законнарны гамәлгә ашыру советы һәм Габдулла Тукайның 140 еллыгын бәйрәм итү буенча оештыру комитетының уртак утырышы узды

Бүген Татарстан Республикасы Хөкүмәте Йортында Татарстан Республикасы Министрлар Кабинеты каршындагы Татарстан Республикасы телләре турындагы законнарны гамәлгә ашыру советының һәм Габдулла Тукайның тууына 140 ел тулуны бәйрәм итүгә әзерлек һәм аны үткәрү буенча оештыру комитетының уртак утырышы узды. Утырышны Татарстан Республикасы Премьер-министры Алексей Песошин алып барды.

ЯҢАЛЫКЛАРГА ЯЗЫЛУ