Илдар Халиков: “Бүген Бөгелмә – ул имин, матур шәһәр”

Бөгелмә 232 еллыгын билгеләп үтә. Бәйрәмдә ТР Премьер-министры Илдар Халиков, “Татнефть” ААҖ генераль директоры Шәфәгать Тәхәветдинов, Россия оборона министрының элеккеге ярдәмчесе, генерал-полковник, Бөгелмәнең почетлы гражданины Вячеслав Мелешко, РФ Дәүләт Думасы һәм ТР Дәүләт Советы депутатлары һәм башка рәсми затлар катнашты.

Тантаналы чара узган “Энергетик” стадионында кунаклар җирле рәссамнар картиналары күргәзмәсе, предприятие, оешма һәм учреждениеләр экспозицияләре белән таныштылар.

Бөгелмә муниципаль районы башлыгы, Бөгелмә мэры Илдус Касыймов бәйрәмне ачу тантанасында, шәһәр һәрвакыт көчле потенциалын кулланды һәм бүген данлы үткәне булган Бөгелмә көчле рухка ия, дип белдерде. Бөгелмә үз галимнәре, транспортчылар, машина төзүчеләр, геофизиклар, авыл хезмәтчәннәре, укытучылар, табиблар, спортчылар, артистлары белән горурлана ала.

ТР Премьер-министры Илдар Халиков Бөгелмәлеләргә сәламләү сүзе белән мөрәҗәгать итеп, аларны Татарстан Президенты, ТР Дәүләт Советы Рәисе һәм республика Хөкүмәте исеменнән Шәһәр көне белән котлады. “Бүген Бөгелмә 232 еллыгын, Татарстанның һәм Россиянең “ТНГ-Групп” эре компаниясенең 60 еллыгын бәйрәм итә. Әлбәттә, бу көннәрдә Татарстан өчен бәйрәм – Татарстанда нефть чыгара башлаганга 70 ел”, - дип билгеләп үтте ул.
И.Халиков шигырьләр һәм җырлар багышланган искиткеч матур урында булуына шат булуын ассызыклады. Ул Бөгелмәнең республикада иң биек урынга урнашуын ассызыклады. Аның фикеренә караганда, монда югары, яхшыга омтылыш символы бар.
“Бөгелмәдә кунакларны ачык йөз белән каршы алалар. Бүген Бөгелмә – 100 мең халык яши торган имин һәм матур шәһәр. Әмма биредәге байлыкка карамастан, республиканың нефть чыгару сәнәгате эре үзәге интеллигентлы тотрыклылыгын югалтмый. Аның эшчәнлеге бүгенге юбиляр, “Татнефть” төркеменә керә торган “ТНГ-Групп” компаниясе белән бәйле.

ТР Премьер-министры “Татнефть” җитәкчелегенә һәм шәхсән генераль директоры Шәфәгать Тәхәветдинов Бөгелмә, Бөгелмә районы һәм, әлбәттә, республика икътисадына зур өлеш керткәне өчен рәхмәт белдерде.
Премьер сүзләренә караганда, “ТНГ-Групп” ҖЧҖ Россиянең эре, югары технологияле һәм көндәшлелеккә сәләтле нефть чыгару компаниясе. Ул аның коллективына уңышлы эшчәнлек һәм үсеш алып барырга теләде.
Аннары И.Халиков Бөгелмә шәһәренең уңган хезмәткәрләренә федераль һәм төбәк дәрәҗәсендә дәүләт бүләкләре тапшырды.

“Татнефть” ААҖ генераль директоры Шәфәгать Тәхәветдинов үз чыгышында Бөгелмә геофизикларының Татарстанда нефть табышы үсешендә өлешләре булуын ассызыклады.

Рәсми тантанадан соң Бөгелмәдә яшәүчеләрне һәм шәһәр кунакларын Тольяттидан автомотокаскадерлар төркеме чыгышы, Мәскәүнең популяр төркеме концерты һәм бәйрәм салюты көтә.