Рөстәм Миңнехановка “Татарстан Республикасында электрон сәламәтлек саклау” проектының үсеш перспективаларын тәкъдир иттеләр
“Татарстан Республикасында электрон сәламәтлек саклау” мәгълүмат системасының үсеш перспективаларын бүген ТР Премьер-министр урынбасары – ТР элемтә һәм мәгълүматлаштыру министры Роман Шәйхетдинов Татарстан Президенты Рөстәм Миңнехановка тәкъдир итте.
Тәкъдир итү тантанасы яңа “Азино” балалар поликлиникасының конференцияләр залында узды.
“Татарстан Республикасында электрон сәламәтлек саклау” мәгълүмат системасы пациент картасын электрон рәвештә алып барырга, табибларга электрон язылуны тәэмин итүгә, тикшеренүләрнең нәтиҗәләрен электрон рәвештә саклауга мөмкинлек бирә.
Бу мәгълүмат системасы ярдәмендә пациентның электрон картасын карау, системада теркәлгән табибларның барлык эш урыннарыннан мөмкин булачак ( ә бу 12 мең эш урыны) - дип, аерым басым ясады Роман Шәйхетдинов.
Якын арада Татарстанның барлык муниципаль районнарында яшәүчеләр табибларга электрон язылудан файдалана алачаклар. Моның өчен 360 инфомат, 315 терминал кулланылачак.
Роман Шәйхетдинов сүзләренчә, проектны гамәлгә кертүдә 148 медицина учреждениесе, 36 мең медицина хезмәткәре катнашачак.
Татарстан Президенты Рөстәм Миңнеханов бу мәгълүмат системасының үсеш перспективаларын уңай бәяләде. Аның әйтүенчә, иң мөһиме проектның кирәкле булуы, гражданнарның системадан файдаланып, аның өстенлекләрен бәяли алуы.