Татарстанда 2013/2014 елларның җылыту чорына үзәкләштерелгән җылыту системасы белән 12мең 498 күп фатирлы торак йорт әзерлиләр

Бүген Татарстан Республикасы Премьер-министры Илдар Халиков күп фатирлы торак йортларга капиталь ремонт ясау, торак йортларны файдалануга тапшыру, җылыту сезонына әзерлек программаларын гамәлгә кертү мәсьәләләре буенча республика киңәшмәсен уздырды.
Киңәшмә ТР Хөкүмәт Йортында, гадәттәгечә республиканың барлык муниципаль районнары белән видеоконференцэлемтә режимында узды.

2013/2014 елларның җылыту чорына үзәкләштерелгән җылыту системасы белән 12мең 498 күп фатирлы торак йортны әзерләү планлаштырыла; әзерлек паспортлары 11мең 826 йортка алынган.
Әгерҗе, Аксубай, Югары Ослан, Менделеев, Мөслим, Тукай, Тәтеш һәм Казанда торак йортларны кышка әзерләү паспортларын булдыру соңга калып алып барыла.

2013елның 29 августына социаль өлкәдәге 3мең 646 объектның 3мең 479ы (95%) әзер; 1мең 618 сәламәтлек саклау объектларының 1мең 597се (99%); 1мең 982 мәдәният объектларының 1мең 848е (93%) әзер.

ТР төзелеш, архитектура һәм торак коммуналь хуҗалык (ТКХ) министры Ирек Фәйзуллин шулай ук 2мең 768 пар казаннарының 2мең 585е (93%), 2мең 984 км җылылык челтәренең 2мең 866 км (96%) әзер булуын хәбәр итте.

Ирек Фәйзуллин белдергәнчә, республикада халыкка дәүләт һәм муниципаль хезмәте күрсәтү буенча күпфункцияле үзәкләр (КФҮ) урнаштыру өчен объектлар төзү һәм ремонтлау алып барыла. ТР Министрлар Кабинеты карары белән КФҮ урнаштыру өчен 310млн. 20мең сум бүлеп бирелгән.

ТР Президенты каршындагы Дәүләт торак фонды акчасына 21 муниципаль берәмлектә (Арча,Буа, Балык Бистәсе, Мамадыш, Минзәлә, Чүпрәле, Ютазы, Югары Ослан, Алабуга, Түбән Кама, Кукмара, Норлат, Менделеев, Мөслим, Саба, Апас, Әгерҗе, Әлки, Бөгелмә, Чистай, Сарман) 21 торак йорт төзелеше алып барыла.
Республика бюджеты акчасына 18 муниципаль берәмлектә (Азнакай, Аксубай, Актаныш, Алексеев, Әлмәт, Әтнә, Яшел Үзән, Кайбыч, Кама Тамагы, Лениногорск, Лаеш, Яңа Чишмә, Питрәч, Спас, Тәтеш, Тукай, Теләче,Чирмешән) 20 торак йорт тезелеше бара.

Татарстан Республикасы муниципаль берәмлекләрнең үз акчасына 38 муниципаль районда 41 торак йорт төзү планлаштырыла.