Татарстан Республикасында 1,5 млн. кв.метрдан артык торак сафка бастырылган

Татарстан Республикасында 1 млн. 536,7 мең кв.м торак яки еллык бурычның 64,1 проценты сафка бастырылган. Бу хакта бүген ТР хөкүмәт Йортында узган республика киңәшмәсендә ТР төзелеш, архитектура һәм торак-коммуналь хуҗалыгы министрының беренче урынбасары Фәрит Хәнифов хәбәр итте. Кидәшмә гадәттәгечә видеоконференция режимында Татарстан Республикасының бөтен муниципаль районнары белщн үтте, аны Татарстан Республикасы Президенты Рөстәм Миңнеханов алып барды. Шулай ук киңәшмә эшендә ТР Премьер-министры Илдар Халиков катнашты.

Фәрит Хәнифов хәбәр иткәнчә, бүгенгә гамәлгә кертелгән торак күләме былтыргы белән чагыштырганда 106 % тәшкил итә (шул исәптән ике атна эчендә 114,8 тыс.кв.м. торак сафка бастырылган). Шулай ук ул Татарстан 2013 елның январь-июль нәтиҗәләре буенча 1 млн. 338,2 тыс. кв. метр торак гамәлгә кертеп,  Россия Федерациясе субъектлары арасында дхртенче урын алганын билгеләп үтте. 

Татарстан Республикасы Дәүләт төзелеш надзоры инспекциясе 589 тикшерү үткәргән. Хезмәтне саклау нормаларын һәм кагыйдәләрен бозу өчен 12 млн. 621 мең сумлык 342 постановление чыгарылган. Бүгенге көнгә республикада 152 постановление буенча 7 млн. 140 мең сумлык штраф алынган.

Фәрит Хәнифов сүзләренчә, Торак-коммуналь хуҗалыгын реформалаштыруга ярдәм күрсәтү федераль фонды Татарстанга авария хәлендәге торак фондыннан күчерүгә финанс ярдәм лимитын билгеләде. 2013 елга федераль лимит - 1 млрд. 843 млн. сум тәшкил итте, 2014 елга – 1 млрд. 458 млн. сум, 2015 елга – 509 млн. сум, дип төгәлрәк билгеләп үтте Хәнифов.

Шулай итеп, 2013-2017 елларга лимит саны - 4 млрд. 335 млн. сум.

Барлыгы республика җитәкчелеге федераль үзәккә авария хәлендәге торак фондыннан күчерүгә 427 мең кв. метр кирәклеге турында хәбәр итте. Аның бәясе 11 млрд. 785 млн. сум дип санала (1 кв метр бәясе 27 600 сумнан).