Татарстанга РФ икътисади үсеш министры Алексей Улюкаев килде

2013 елның 7 сентябре, шимбә
Бүген Татарстан Республикасына РФ икътисади үсеш министры Алексей Улюкаев эшлекле очрашуга килде.

Килү белән РФ икътисади үсеш министры “КАМАЗ” ААҖнә (Чаллы ш.) юнәлде, анда ул “КАМАЗ ААҖ”нең фәнни-техник үзәгендә булды, зур йөк машиналарының яңа модельләре белән танышты, автопредприятиенең производство мәйданчыкларын карады.

Шулай ук Алексей Улюкаев “Алабуга” МИЗда булачак, анда бүген “Алабуга” МИЗ территориясендә гамәлгә кертелүче берничә проектны тәкъдир итүдә катнашачак.

Моннан тыш, РФ икътисади үсеш министры “Алабуга” МИЗ мәйданчыгында “А плюс парк Алабуга” индустриаль паркы төзелешенә таш салу тантанасында катнашачак.

Көннең икенче яртысында Алексей Улюкаевның Казанга килүе, Татарстан Республикасының Нанотехнологияләр үзәге, ИТ-парк – югары технологияләр өлкәсендәге технопарк эшчәнлекләре белән танышуы көтелә.

Бөтен программа буенча Алексей Улюкаевны Татарстан Республикасы Президенты Рөстәм Миңнеханов озата йөри.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International