Мидхәт Шаһиәхмәтов: 2013 елда Татарстан Республикасында тулай төбәк продукты(ВРП) күләме үсеш темплары 2,3% тан артмаганда 1,520 трлн.сум тәшкил итәчәк

2013 елда Татарстан Республикасында тулай төбәк продукты(ВРП) күләме үсеш темплары 2,3% тан артмаганда 1,520 трлн. сум тәшкил итәчәк, дип көтелә.
Бу хакта бүген Татарстан Республикасының икътисад министры Мидхәт Шәһиәхмәтов ТР Министрлар Кабинетының 2014 нче елга һәм 2015 – 2016 нчы елларның планлы чорына Татарстан Республикасының социаль-икътисади үсешен фаразлауның төп параметрлары мәсьәләләре буенча булган утырышында хәбәр итте.
Утырышны ТР Премьер-министры Илдар Халиков алып барды. Утырыш эшендә Татарстан Республикасы Президенты Рөстәм Миңнеханов катнашты.

Мидхәт Шаһиәхмәтов хәбәр иткәнчә, ТР социаль-икътисади үсеше фаразы, соңгы елларга хас булган кулланучылар соравының кимүен һәм алдынгы илләрдә икътисади үсеш темпларының әкренәюен исәпкә алып, төзелгән. Халыкара валюта фонды(МВФ) фаразлары буенча, 2013 нче ел нәтиҗәләре нигезендә дөньяда икътисад үсеше темплары 3% тан артмаячак. Татарстан өчен бу экспорт күләменең кимүен аңлата, чөнки республикада җитештерелә торган продукциянең яртысы чит илгә җибәрелә.

М.Шаһиәхмәтов сүзләренчә, ТРда шулай ук икътисади үсеш темплары әкренәя. Үткән ел белән чагыштырганда, быел тулай төбәк продукты үсеше темпы 2 тапкырдан артык кимегән. Аерым алганда, сәнәгатьтә, сәүдәдә, авыл хуҗалыгында производство күләменең кимүе күзәтелә. Мондый тенденция 2013 елның сентябрь-декабрь айларында да сакланачак, дип көтелә.

Киләчәктә тулай төбәк продуктының үсеш темплары 4,2% ка артыр, дип фаразланыла (гомумән бу күрсәткеч Россиядә -103,7%).

Мидхәт Шәһиәхмәтов икътисадның төп секторлары үсеш темпларына аерым тукталды. Бигрәк тә сәнәгать тармагы, аның өлешенә тулай төбәк продукты күләме якынча 44% туры килә. Төп керемне нефть химиясе һәм машина төзелеше предприятиеләре кертәчәк.

Инвестицияләр үсеш темпы 2014 елда 107,9% күләмендә фаразлана. Моның өчен республикада эшлекле климатны яхшырту чаралары кирәк.