2014 нче елга, федераль акчаларны исәпкә алмыйча, Татарстан Республикасының консолидацияләнгән бюджетының керемнәре 158,4 млрд.сум күләмендә фаразланыла
2014 нче елга, федераль акчаларны исәпкә алмыйча, ТР консолидацияләнгән бюджетының керемнәре 158,4 млрд.сум күләмендә фаразланыла, 2015 нче елга - 166,6 млрд. сум, 2016 нче елга – 175,1 млрд. сум. 2014 нче елга республика бюджеты керемнәре күләме - 127,3 млрд. сум дип фаразлана. Бу хакта бүген ТР Хөкүмәт Йортында үткән ТР Министрлар Кабинеты утырышында Татарстан Республикасы финанслар министры Радик Гайзатуллин хәбәр итте.
Утырышта өч мәсьәлә каралды - Татарстан Республикасының 2014 елга һәм 2015-2016 еллар планлы чорына социаль-икътисади үсешенең төп фаразлау параметрлары, 2015 – 2016 нчы еллар планлы чорына ТР консолидацияләнгән бюджетының фаразлары, ТР Территориаль мәҗбүри медицина иминияте фондының 2014 елга һәм 2015-2016 еллар планлы чорына бюджетының проекты.
Утырышны ТР Министрлар Кабинетында Татарстан Республикасы Премьер-министры Илдар Халиков уздырды. Татарстан Республикасы Президенты Рөстәм Миңнеханов катнашты.
ТР финанслар министры Радик Гайзатуллин хәбәр иткәнчә, 2014 нче елга Татарстан Республикасының консолидацияләнгән бюджетына физик затлар кеременә салынган салымның 54,4 млрд.сум күләмендә килеп ирешүе фаразланыла, республика бюджетына - 38,1 млрд. сум.
ТР бюджетына табышка салынган салымның 45 млрд.сум күләмендә килеп ирешүе фаразланыла. Әлеге салым структурасында нефть тармагы зур өлешне алып тора. 2014 нче елга ТР консолидацияләнгән бюджетына 15,5 млрд. сум күләмендә акцизлар килеп ирешүе фаразланыла. Оешмалар милкенә салынган салым - 18,5 млрд.сум.
Мниципаль берәмлекләр бюджетына керә торган физик затлар милкенә салынган салым 2014 нче елга 687 млн.сум күләмендә бәяләнелә. 2014 нче елда 5,9 млрд.сум күләмендә җиргә салым килеп ирешер, дип фаразланыла, транспортка салым - 2,9 млрд.сумнан артык, берләштерелгән керемгә салым буенча - 6,5 млрд.сум. 2014 нче елда консолидацияләнгән бюджетның салымнардан алынмаган кереме 8,3 млрд.сум булыр, дип фаразланыла, республика бюджеты - 3,6 млрд. сум.
Шулай итеп, Радик Гайзатуллин сүзләренчә, 2014 нче елга, федераль акчаларны исәпкә алмыйча, ТР консолидацияләнгән бюджетының керемнәре 158,4 млрд.сум күләмендә фаразланыла, 2015 нче елга - 166,6 млрд. сум, 2016 нче елга – 175,1 млрд. сум. 2014 нче елга республика бюджеты керемнәре күләме - 127,3 млрд. сум, 2015 нче елга – 132,3 млрд. сум, 2016 нчы елга – 138,2 млрд. сум.