Казанда “Кластер системаларында югары җитештерүчәнлекле параллель исәпләүләр” дигән Халыкара конференция узачак

Бүген Татарстан Министрлар Кабинетында “Кластер системаларында югары җитештерүчәнлекле параллель исәпләүләр” дигән VIII Халыкара конференцияне һәм яшүсмерләр мәктәбен үткәрү буенча оештыру комитетының беренче утырышы булып узды. Утырышны Татарстан Республикасы Премьер-министрының беренче урынбасары, оештыру комитеты рәисе Борис Павлов үткәрде.
Чыгышының башында Борис Павлов әлеге чараны үткәрүгә дә Татарстан Республикасы Хөкүмәте булышлык күрсәтүен әйтеп китте. “Бу тема белән кызыксыну бар. Иң мөһиме: фәнни алга китеш нәтиҗәләре күренә һәм республикада аларны тормышка ашыруда гамәли юнәлеш бар. Татарстанның хәзерге икътисадында параллель исәпләүләр бар, һәм алар икътисадның нәтиҗәлелеген арттыруга ярдәм итә алалар”, - диде Татарстанның беренче вице-премьеры.
Утырышта катнашучыларга мөрәҗәгать итеп, Борис Павлов чарага әзерләнү процессында параллель исәпләүләр өлкәсендә комплекслы проект эшләргә һәм аны конференциядә тәкъдир итәргә тәкъдим ясады. “Проектны әзерләп кенә калмыйча, аны кайда кулланырга мөмкин икәнлеген күрсәтергә дә кирәк”, - дип ассызыклады ул.
Шуны да искәртик: “Кластер системаларында югары җитештерүчәнлекле параллель исәпләүләр” дигән VIII Халыкара конференция Казанда 2008 елның 17 – 21 нче ноябрендә узачак. Аңа әзерлекнең барышы турында бүген А.Н.Туполев исемендәге Казан дәүләт техник университеты профессоры – оештыру комитеты рәисе урынбасары Вадим Райхлин сөйләп узды.
Аның сүзләренә караганда, бүгенге көнгә 234 катнашучы теркәлгән. Шул исәптән чит ил һәм Россия шәһәрләреннән килгән вәкилләр дә бар.
Вадим Райхлин хәбәр иткәнчә, халыкара конференция кысаларында “УМНИК” (яшьләр фәнни-инновацион конкурсында катнашучы) конкурсын үткәрү планлаштырыла, яшьләр мәктәбе, түгәрәк өстәлләр эшләячәк.