Татарстан Республикасының яңа Сәламәтлек саклау министры итеп Гадел Вафин билгеләнде

Бүген Татарстан Республикасы Премьер-министры Илдар Халиков ТР Сәламәтлек саклау министрлыгы коллективына яңа министрны тәкъдим итте.

Ул, бүгенге көнгә кадәр Татарстан Республикасы сәламәтлек саклау министрының беренче урынбасары вазифаларын башкарган Гадел Вафин булды.

Искә төшерәбез, 2007 елдан Татарстан Сәламәтлек саклау министрлыгын җитәкләгән Айрат Фәррахов, узган атнада Россия сәламәтлек саклау министры урынбасары итеп билгеләнде (аның билгеләнүе турындагы боерыкны Россия Хөкүмәте рәисе Дмитрий Медведев имзалады)

Бүгенге бу чарада Илдар Халиков Айрат Фәрраховка башкарган эшчәнлеге өчен рәхмәт белдерде, Гадел Вафинга министр портфелен тапшырып, яңа эшендә уңышлар теләде.

 
Белешмә өчен:

Гадел Юныс улы Вафин 1973 нче елның 4 нче ноябрендә туган.
1997 нче елда Казан дәүләт медицина университетын (“дәвалау эше” белгечлеге буенча), 2000 нче елда гистология кафедрасында аспирантураны, ТР Президенты каршындагы Дәүләт муниципаль идарә академиясенең икътисад факультетын(читтән торып) тәмамлаган.

2001-2007 елларда “Дрегер Медицинская техника” ҖЧҖтә төбәк идарәчесе.
2007 елдан Татарстан Республикасы сәламәтлек саклау министрының беренче урынбасары.

Өйләнгән, дүрт малай тәрбияли.