Алексей Песошин салым органнары хезмәткәрләрен һөнәри бәйрәмнәре белән котлады
Татарстан Республикасы Премьер-министры Алексей Песошин салым органнары хезмәткәрләрен һөнәри бәйрәмнәре белән котлады.
"Татарстан Республикасы салым хезмәтенең хөрмәтле хезмәткәрләре һәм хөрмәтле ветераннары! Татарстан Республикасы Хөкүмәте исеменнән һәм шәхсән үз исемемнән сезне һөнәри бәйрәм – Россия Федерациясе салым органнары хезмәткәрләре көне белән котлыйм.
Безнең республика һәм бөтен ил үсеше сезнең көндәлек эшегезгә турыдан-туры бәйле. Сезнең тырышлыгыгыз икътисади үсеш һәм социаль проблемаларны чишү арасында баланс саклауга юнәлтелгән.
Мөһим, салым хезмәте заманча ысуллар һәм технологияләр кулланып гел камилләшә. Сезнең проектлар һәм инициативалар салым түләүчеләргә хезмәт күрсәтү сыйфатын яхшыртуга һәм салым администрациясенең нәтиҗәлелеген арттыруга ярдәм итә.
Камил профессиональлек, даими үсешкә омтылуыгыз һәм замана таләпләре белән бер рәттән баруыгыз өчен һәрберегезгә зур рәхмәтемне белдерәм.
Сезгә һәм якыннарыгызга ныклы сәламәтлек, бәхет һәм уңышлар телим".