Илдар Халиков профсоюз хезмәткәрләрен һөнәри бәйрәмнәре белән котлады

Кадерле дуслар!
Чын күңелдән республикабызның күп меңләгән хезмәтчәннәрен һәм профессионалларын Татарстан Республикасы Профсоюзлары көне белән котлыйм!
Бүген профсоюзлар хезмәт ияләренең мәнфәгатьләре, социаль-икътисади һәм хезмәткә хокуклары сагында торучы иң массакүләм, иң авторитетлы иҗтимагый оешма санала.
Профсоюз оешмалары – ул чын мәгънәсендә дәүләтнең көчле, бәйсез, ышанычлы, җаваплы партнерлары. Республикабызның социаль-икътисади үсеше, инновацион икътисад булдыру, халыкның яшәү сыйфатын күтәрү, иминлек шартлары тудырылган һәм лаеклы хезмәт хакы булган эш урыннары булдыру безнең уртак һәм беренче бурычыбыз булып тора.
Бу мәсьәләләрне чишү республикада өч якның – дәүләт, бизнес һәм профсоюзларның даими килешүгә нигезләнгән конструктив диалогы режимында алып барыла. Социаль әһәмиятле булган карарларны кабул иткәндә, Хөкүмәт, профсоюзлар һәм эш бирүчеләр арасында даими консультацияләр уздыруның нәтиҗәле механизмы эшләнелгән.
Республика профсоюзлары хезмәт һәм мәшгульлек өлкәсендәге иң актуаль проблемаларга тиз җавап биреп кенә калмый, бәлки хезмәткәр мәнфәгатьләреннән чыгып аларны хәл итүне тәкъдим итә.
Хезмәткәрләрнең – оешма әгъзаларының мәнфәгатьләрен, хакимият һәм эш бирүчеләр белән мөнәсәбәттә аларның социаль-хезмәт, гражданлык хокукларын яклап, эксплуатацияләү формаларына каршы чыгып, социаль яклауның төрле институтларын булдырып, профсоюзлар гражданлык җәмгыятен формалаштыруга ярдәм итә, болардан башка көчле, икътисади үсеш алган һәм социаль юнәлештәге дәүләтнең яшәве мөмкин түгел.
Татарстанның профсоюзлар хәрәкәтендә катнашучыларның барысына да изге эшләрендә уңышлар, бәхет, нык сәламәтлек, оптимистлык һәм мул тормыш телим!

Татарстан Республикасының Премьер-министры Илдар Халиков