Быелның 1 гыйнварыннан 2 февраленә кадәр гражданнардан «Безнең ишегалды" программасы буенча 103 мөрәҗәгать кергән
Татарстанда «Безнең ишегалды» программасы буенча эшләр башланды, милекчеләрнең гомуми җыелышы беркетмәләренә кул кую процессы бара. Бүгенге көндә беркетмәләрнең яртысы диярлек кабул ителгән, тагын 42 проценты тикшерелә. Бу хакта бүген ТР Хөкүмәте Йортында узган киңәшмәдә «ТР шәһәрләрен үстерү институты» фонды җитәкчесе Наилә Зиннәтуллин хәбәр итте.
Татарстан Республикасы Рәисе Рөстәм Миңнеханов барлык районнар белән видеоконференцэлемтә режимында киңәшмә үткәрде. Киңәшмәдә шулай ук ТР Премьер-министры Алексей Песошин да катнашты.
Мәсәлән, Наилә Зинатуллина төгәллек керткәнчә, Казан буенча 2024 ел программасында якынча 34% беркетмә кабул ителгән, Нурлат районында – 31%, Тәтеш районында – 25% һ. б.
2024 ел программасы кысаларында җайланмалар сатып алу өлешендә спецификациядә 85 процент тирәсе җыелган инде. Аны тәмамлау вакыты - 15 февраль. «ТР шәһәрләрне үстерү институты» фонды җитәкчесе районнар буенча җайланмалар сатып алу турында мәгълүмат бирде.
Юл эшләрен башкару графигына килгәндә, подряд оешмалары белән синхронлаштыру бара (тәмамлану вакыты – 15 март).
Быелның 1 гыйнварыннан 2 февраленә кадәр гражданнардан 103 мөрәҗәгать кергән. Алар төзекләндерү схемалары буенча тәкъдимнәргә, ишегалдын программага кертүгә, җыелышлар оештыруга, шулай ук башка мәсьәләләргә, шул исәптән кар җыештыруга, ТКО белән проблемаларга һ. б.ларга кагыла.