Илдар Халиков “Дрофа” нәшриятының генераль директоры белән очрашты

2013 елның 27 сентябре, җомга
Бүген Татарстан Республикасы Премьер-министры Илдар Халиков “Дрофа” нәшриятының генераль директоры Ирина Кузнецова белән очрашты. Очрашу ТР Хөкүмәт йортында узды, анда шулай ук ТР Премьер-министр урынбасары – фән һәм мәгариф министры Энгель Фаттахов, матбугат һәм массакүләм коммуникацияләр буенча “Татмедиа” республика агентлыгы җитәкчесе Ирек Миңнәхмәтов, “Татмедиа” ААҖ филиалы “Идел-Пресс” генераль директоры Ришат Хәсәнов һ.б. катнашты.

Очрашу барышында нәшрият эшчәнлеге өлкәсендәге хезмәттәшлек мәсьәләләре турында фикер алыштылар. Ике яктан да катнашучылар шулай ук укытучыларның квалификациясен күтәрү, мәктәпләр һәм балалар бакчаларын сыйфатлы уку-укыту материаллары һәм җайланмалары белән тәэмин итү буенча “Дрофа” нәшрияты белән Татарстан Республикасының уртак эшчәнлек перспективаларын карадылар.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International