Республика Балалар һәм яшьләрнең ялын, сәламәтләндерүен, мәшгульлеген оештыру буенча ведомствоара комиссиясенең чираттагы утырышы узды

2013 елның 27 сентябрендә Татарстан Республикасы Хөкүмәте Йортында Татарстан Республикасы Премьер-министры урынбасары Ю.З. Камалтынов рәислегендә Татарстан Республикасы Балалар һәм яшьләрнең ялын, сәламәтләндерүен, мәшгульлеген оештыру буенча ведомствоара комиссиясенең утырышы узды.
Утырышта Татарстан Республикасының муниципаль берәмлекләр башкарма комитетлары җитәкчеләре, балалар һәм яшьләрнең ялын, сәламәтләндерүен, мәшгульлеген оештыру буенча район ведомствоара комиссия рәисләре катнашты.

Утырышта 2013 елгы җәйге сәламәтләндерү кампаниясе эшчәнлегенә төп нәтиҗәләр ясалды. Җәйге чорда 1340 сәламәтләндерү учреждениеләрендә Татарстан Республикасының 169 мең балалар һәм яшьләренең ялы оештырылган. Быел республикада балалар һәм үсмерләрнең җәйге ялын оештыру һәм сәламәтләндерү кампаниясе барышында инфекцияләр йоктырып авыруның массакүләм очраклары һәм бәхетсезлек очраклары күзәтелмәгән.

Утырыш нәтиҗәләре буенча Татарстан Республикасы Министрлар Кабинетының рәхмәт хатлары тапшырылды. 2013 елда Татарстан Республикасында балалар һәм яшьләрнең ялын, сәламәтләндерүен, мәшгульлеген оештыру программасын гамәлгә ашыруда Казан шәһәре муниципаль берәмлекләре, Татарстанның Лениногорск, Менделеев, Мамадыш һәм Түбән Кама муниципаль районнарының югары күрсәткечләре билгеләнде.