Илдар Халиков Идел буе федераль округы Советы утырышында катнашты

Бүген РФ Президентының Идел буе федераль округындагы тулы вәкаләтле вәкиллеге каршындагы Совет утырышында катнашучылар Идел буе федераль округы төбәкләрендә авария хәлендәге торак фондыннан күчерү программасын гамәлгә барышы турында сөйләштеләр. Утырыш Чабаксарда РФ Президентының Идел буе федераль округындагы тулы вәкаләтле вәкиле Михаил Бабич җитәкчелегендәузды, анда ТР Премьер-министры Илдар Халиков катнашты.

Совет утырышын ачып, РФ Президентының Идел буе федераль округындагы тулы вәкаләтле вәкиле Михаил Бабич, авария хәлендәге торактан күчерү программасының ике елга озайтылуын искә төшерде. 2016 һәм 2017 нче елларга федераль бюджеттан тагын өстәмә 10 млрд.сум акча бүлеп бирелә, бу акчалар программаны төбәк бюджетларыннан финанслау өлешен киметүгә юнәлтеләчәк.

Төп докладны Советның эш төркеме җитәкчесе, Чуашстан Республикасы башлыгы Михаил Игнатьев ясады. Идел буе федераль округында торак фондының гомуми мәйданы 702 млн. кв. метр тәшкил итә, анда 29 млн. кеше яши. Бу торакның 88,3 проценты - хосусый милек санала, дип хәбәр итте ул.

Михаил Игнатьев белдерүенчә, бүгенге көнгә гражданнарны күчерү - округ төбәкләре алдында торган иң җитди проблемаларның берсе. 2008-2012 нче елларда Торак-коммуналь хуҗалыгын реформалаштыруга ярдәм итү фонды катнашында авария хәлендәге торактан күчерү программасы гамәлгә ашырылган.

Михаил Игнатьев, Россия Президенты йөкләмәсе буенча 2017 нче елга кадәр, 2012 нче елның 1 нче февраленә кадәр авария хәлендә дип табылган барлык күпфатирлы йортларны бетерергә кирәклеген искә төшерде.Шундыйлар Идел буе федераль округында 2,8 млн. кв.м мәйданлы 11600 исәпләнелә. Бу максатларда якынча 83 млрд.сум кирәк. Торак-коммуналь хуҗалыгын реформалаштыруга ярдәм итү фонды 35 млрд.сум юнәлдерергә планлаштыра. Идел буе федераль округы төбәкләренең консолидацияләнгән бюджеты - 48 млрд.сум. Шул ук вакытта төбәк бюджетларында бары тик 26 млрд.сум каралган, нәтиҗәдә, гражданнарны “метрдан метрга” күчерү исәбеннән дефицит - 22,5 млрд.сум.
Михаил Игнатьев сүзләренчә, округ төбәкләрендә авария хәлендәге торактан күчерү программасын финанслау күләме аерыла. Татарстанда республика бюджеты күләме 69 процент тәшкил итә - бу округта беренче урында, әлеге күрсәткеч кайбер төбәкләрдә 44 процент кына.

Утырыш барышында Совет әгъзалары авария хәлендәге торактан күчерү программасын тормышка ашыру мәсьәләләре турында фикер алыштылар. Утырышта катнашучылар, федераль дәрәҗәдә карау өчен, тәкъдимнәр пакетын кабул иттеләр.

“Авария хәлендәге торактан күчерү мәсьәләсе бик катгый рәвештә тора һәм Россия Президенты контроле астында, - дип басым ясады утырыш тәмамланганда журналистларга РФ Президентының Идел буе федераль округындагы тулы вәкаләтле вәкиле Михаил Бабич. – Төбәкләргә, беренче чиратта, авария хәлендәге торак фондына тулысынча инвентаризация үткәрергә, тузган һәм авария хәлендәге торакның критерийларын билгеләргә, булган ресурсларны санарга һәм күчерү өчен йортлар төзелеше бәясен киметү буенча барлык чараларны кулланырга кирәк”.

Шулай ук, Михаил Бабич сүзләренчә, күчерүгә беренче чиратта мохтаҗ булган гражданнар категориясен билгеләргә кирәк.