Татарстанда «Безнең ишегалды» программасы адресына узган 2 атна эчендә гражданнардан - 368 мөрәҗәгать, ел башыннан алып барлыгы 1060 мөрәҗәгать кергән

Бүген ТР Хөкүмәте Йортында узган киңәшмәдә «ТР шәһәрләрен үстерү институты» фонды директоры Наилә Зиннәтуллина Татарстанда «Безнең ишегалды» программасының тормышка ашырылуы турында хәбәр итте.

Киңәшмәне Татарстан Республикасы Рәисе Рөстәм Миңнеханов барлык муниципаль районнары белән видеоконференцэлемтә режимында уздырды. Киңәшмәдә ТР Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин катнашты.

25 апрельгә Татарстанның 32 районыннан 22сендә, шулай ук Казанда һәм Чаллыда юл эшләре алып барыла. Хәзер бу республика буенча 160 йорт. Бу төр эшләрне башкаруның хәзерге күләме 5 процент тәшкил итә, ике атна эчендә динамика 4 процент.

Моннан тыш, тышкы яктыртуларны урнаштыру буенча эшләр башланган. Эшләр 11 муниципаль берәмлекнең 143 йортында алып барыла. Башкару 5%, 2 атна эчендә динамика 4%.

Республика складларында «Безнең ишегалды» программасы өчен әзер әйберләрнең 31 проценты саклана. Балалар йчен һәм спорт җайланмалары күләме 38%, урам җайланмалары 22%

Наилә Зиннәтуллина хәбәр иткәнчә, узган ике атна эчендә «ТР шәһәрләрне үстерү институты» фонды хезмәткәрләре төзекләндерү схемаларын төгәлләштерү өчен республиканың 16 районына барган. Югары Ослан һәм Әгерҗе районнарында ишегаллары территориясендә сүтелмәгән хуҗалык корылмалары кала, бу норматив янгын сүндерү юлларын үтәргә, ә юлчыларга эшкә керешергә мөмкинлек бирми. Ул җирле җаваплы затлардан 10 майга кадәр территорияне чистартуларын сорады.

Халык мөрәҗәгатьләре турында сөйләгәндә, Наилә Зиннәтуллина хәбәр иткәнчә, «Безнең ишегалды» программасы адресына узган 2 атна эчендә 368 мөрәҗәгать килгән. Ел башыннан 1060 мөрәҗәгать кабул ителгән. Ул шулай ук җирле җаваплы затларга мөрәҗәгать итте - кешеләрдән килгән барлык мөрәҗәгатьләрне вакытында һәм сыйфатлы итеп эшләргә (норматив - 3 эш көне).